موقف صارلي في الدوام

احب اشكر كل اللي في المنتدى وانتو شرات خواتي ،،،
صارلي موقف في الدوام وتلخبطت وتضايجت وماعرفت اقول لمنو ،،، انتو احكمو

لطبيعة عملي ماشي بنات شي بس بنت في الادارة وانا اللي وياي كلهم اجانب رياييل ،، اختي توصلني وتردني من الدوام بس مرات يكون عندنا اجتماع في شركة ثانيه او لازم نسير مكان فالشغل ،،، اللي فالدوام نفسهم كل حد يوصل الثاني لانهم مب حاطين دريوليه
وانا معاشي اصلا ما يتم منه شي ماقدر اطلع سيارة الحين
وكله يروح على اساسيات يعني احاول قد ماقدر ايمع .

المهم اللي صار كان عندنا اجتماع والكل متيمع وياو عندنا من الشركات الثانيه وكنا مسويين بوفيه والكل يالس ياكل ،،، والمدراء كلهم يالسيييين يعرفوني بس من بعيد مايعرفوني عدل ،،،،
وانا فذاك اليوم اتفقت مع زميلي باكستاني ( هو شاب مب عود ويبين انه موظف عادي يعني مب دريول) يوصلني البيت عقب الدوام والاهل يعرفون ،،،

ونحن يالسين يا جدام المدراء والكل قال يالله فلانه سايرين وحسيت واحد من المدراء ويهه انعفس وكان شي بنات تمو يطالعوني من فوق لتحت ووحدة ما استحت سالتني منو هذا
وخفت ياخذون عني فكرة مب زينه

انا هني ياتني غصه لاني مب رايمه اطلع سيارة وهم مب حاطين دريوليه وانقهرت على هالموقف يمكن هو قالها عن حسن نيه بس مادري حسيت في شي غلط ،،،

قلت لامي قالت عادي انتي في رحلة عمل والوظيفة تتطلب هالشي

شرايكم باللي صار؟