موضوع حيرني و حير كل البنات مثلي

آنا بعد عانيت من هالشي ومثل ماقلتي مع ربيعاتها المعرسات عااااااادي اتصالات وزيارات … كل ربيعاتي من عرسن ماعرف عنهن شي..ويوم توصلني أخبارهن بالسنه مره ويمكن أكثر أعرف أنهن على تواصل دااااااااااااايم
وهالشي بعد لاحظته على أختي … كنت آنا وياها بالجامعه وكان عندنا وااااااايد ربيعات … بس من عرست وهن عرسن تمن ويا بعض لليووووووم … بس آنا مايتصلن فيه الا اذا وحده منهن تبا منها شي وماردت عليها … أو اذا كانت مسافره أو منشغله وتبا تطمن عليها وعلى عيالها …

فيه بنات بيقولن انتي يمكن ماحاولتي تتواصلين وياهن بس بالعكس وااااايد حاولت وفي المناسبات قلت بختبرهن اذا يات مناسبه وطرشت مسجاااات للكل البعض منهن يرد بمسج … واذا ما طرشت محد يذكر

الله كريــــــــــــــــــــــــــم

لا والله ما قطعناهن المعرسات

لكن تقطع ويهنا نحنا نطرش مسجات بكل مناسبه و ما يوصلنا رد

نستحي على ويهنا و نقول خلاص بلا إزعاج

في هذي معاج حق ما ادري ليش حتى بمسج يستكثرون علينا معظم ربيعاتي اللي تزوجوا نسوني تماما ومسج حتى ما شي إلا هو 30 فلس صدق الحياة تشغل المرأة المتزوجة بس ممكن ع الاقل مسج
والله ان في منهم لما عندهل مشكلة مع ريايلهم يذكرون ربعهم في هاك الوقت ليش انزين؟
انا إن شاء الله لما اتزوج ما بودر ربعي مول لازم كل وحدة ترتب وقتها لربعها وريلها و اهلها و دراستها
انا وحدة من ربيعاتي متزوجة و عندها ياهل بعد و دايا اطرش لي مسج و
وتزورني و تظهر وياي ومع ذلك
دوم تقول اسمحيلي الحياة تشغلني وانا اقول عادي مسموحة
بس فس بنات خلاااااااص نسوا ربعهم