من فتاة ليبيا ليك يا الدماني

شئ عجيب مواضيعك يا الــــدمـــاني
قعدت عن المطبخ وحوشي لهاني

خفيفة دم وروح طيبة وكلام ليه معاني
وبمشاهدات وردود تلاتة الاف وزيهم تاني

ولعبق الماضي رفعتيني ومشيت لقديم زماني
معاك سافرت لبعيد وأني في طرابلس مكاني

شئ عجيب مواضيعك ياالــــدمـــــاني
قعدت عن المطبخ وعن حوشي لهاني

ماضي جميل بنقرة لموضوعك وافــاني
وشبح ذكرى طفولة بالصور طلع ولقاني

وفي حلقي غصة وحسرة قلب بكاني
وعقل سارح لسنين رفعني وين خلاني

ندعي العاطي الواحد ما زيه تـــــــاني
ان يحفظك ويحقق لمستقبلك خير اماني

شئ عجيب مواضيعك ياالـــــدمــــاني
قعدت عن المطبخ وعن حوشي لهاني

وقولي(لبعلولك) وصلتني من ليبيا ابلغ تهاني
منورة يا فاكهة المنتدى وين نلقوا زيك تاني

شئ عجيب مواضيعك يا الــــدمـــــاني
قعدت عن المطبخ و عن حوشي لهاني