من تجـاربكم ,, شو الاشياء إلي لازم اعرفها في الريال قبل ما نتزوج

أهم شي بعد الزواج لأن فترة الملجه ما تظهر العيوب ولا الطبايع و الصفات الحقيقيه سواء منه أو منج
لكن الأهم بعد الزواج
حاليا سيري مكتبة جرير بتلاقين كتاب إسمه الرجال من المريخ والنساء من الزهره يعلمج تفهمين نفسية الرجل إشتريه وإقرأيه زين ولخصي النقاط المهمه وإقهميها زين
وطبعا الأهم السمع والطاعه له بما يرضي الله والتودد له والإبتسامه بوجهه وغيرها الكثير هذا المختصر

عصبي او لا

يصلي او لا

نظامه في يومه كيف؟…يسهر يرقد من وقت…

شو الامور اللي يكرهها واللي مايحبها..خاصة في الحريم

رومانسي ولا لا عشان ماتبنين قصور في الاحلام

وعليكم السلام ورحمة الله وبركاته

هلا أختي المزيونة.. والله يزيدج زين وحلاة في عيون ريلج

أختي أحس أهم شي تعرفينه السمات العامة لشخصية ريلج، وهذي بتعرفينها من مكالماته وزياراته
إذا هو هادي.. أو شخصيته انفعالية (سواء بالسلب أو الإيجاب).. إذا هو واقعي .. أو عاطفي.. شخصية جادة ولا مرحة
وبناءً على هذا بتعرفين كيف تتصرفين معاه..
وحاولي أختي ما تقلدينه في سمات شخصيته يعني لا تكونين كوبي بيست منه .. حتى تكون لج شخصيتج المستقلة..
بالعكس هذا اللي يحببه فيج..
ومن استكشافج لشخصيته بتعرفين كيف تفهمينه صح .. وما تسيئين الظنّ فيه..

وإذا ما عرفت أي شي.. اسأليه ترى مب عيب .. وهو بيحس أنج مهتمة تعرفين كل شي عنه وبيستانس منج أكثر

الله يهنيج ويوفقج ويسعدج..
ودعواتج لنا