من بريد المشكلات المشكله التاسعه

السلام عليكم ورحمة الله وبركاته

هنا مشكله قد بعثتها احدى الاخوات راجية من الله العلي القدير ومن ثم منكن الحل الامثل لكي تتخطي
هذه المشكله ويمشي بها المركب الى بر الامان…

وتذكري ياغاليه…

ان مهما كانت المشكله يجب ان نراعي الله في الرد ونبتعد قدر الامكان عن التجريح والاهانه

فلولا عدم حاجة اختنا لحل لهذه المشكله لما كلفت نفسها ووضعت رسالتها…

راجيه منكن يا احبه..

ان تكون الردود بعقلانيه اكثر وحلول انسب
دون الخروج عن اللب الحقيقي للمشكله…

بارك الله فيكن ونفع بكن

تقول صاحبة الرساله

أنا الله يسلمج معرسه تقريبا من سنه وشهرين والمشكله اني ساكنه بيت هل ريلي …وانا انسانه اشتغل في نفس الوقت ادرس من شروطي يوم اتزوجت اني اشتغل اما الدراسه هو شجعني عليها طبعا انا فهمته كيف بتكون حياتي من ناحيه الشغل والدراسه ..المهم طبعا قبل لااتزوج يت اختي خبرتني عن هله لان اختي متزوجه واحد من هله قالت عمتج الله يعينج منها محد سلم منها لا حريم عيالها ولا الجيران ومحد يحب من هلهم ومحد يزورهم المهم انا قلت انا ماعليه منهم ..وزوجي شرط عليه اني اسكن وياهم بنفس البيت لان محد ساكن في البيت غير امه وابوه واخته اللي عمرها 24 سنه المهم انا تزوجت والعرس عد عل خير بس قمت اشوف اشياء خبلوني فيها امه مادانيني خييييييير شر تباني بس حق الهدايه ماخليت هدايه الا ماخذت لها خل كل هذا قمت اعطيها 500 درهم شهريا ولا تقولي شكرا بنتي وكل ماادش البيت اسلم عليهم اسمعهم يرمسون من وراي انزين انخليها عل صوب اخته الصغيره شغاله عليه كله تباه اتضاربني وتغايضنييي انا ساكته وماخبرت ريلي …اما باجي الخوات المتزوجات يتيمعون بالخميس انا بالخميس اطلع ياه ريلي من يشوفونا هااااا وين طالعين مافي داعي تطلعون …صكونا بعين انا كرهت ريلي والسبه اعيونهم وتميت اقرا سوره البقره واحصن عمري وزوجي ماااااااافي فايده ياناس المشاكل قامت تزيد خواته يوم يتكلمون يفرون عليه كلام مااروم ارد عليها والله كل يوم ارقد وانا اصيح عل هالمخده …خلنا من مشكله خواته المشكله العوده اهني ان ريلي يوقف بصفهم مايعبرني اي شىء اقوله واشتكي له يقول بس عاد كله ولا هلي اقوله والله انا هب غلطانه عقبها تميت اسكت بس هو تم يكتشف ان خواته هن راعيات مشاكل بس بعد واقف ف صفهم يقولون يمين يسير يمين ويقولون يسار سير يسار هب حاله وااااااااايد يسمع كلامهم ياختي …واهني انا قلت خلاص دام هالريال ماشىء وراه اهله انا محد بينفعني غير دراستي وشغلي والله من اطلع من بيتهم اسير الشغل عقبها الجامعه ارتاااااااح نفسيا واستانس من ارجع البيت كاره نفسي وكاره بيتهم وكاره زوجي …بدت المشاكل يوم الريال ماقام يعطيني مصروفي يقولي انا هالشهر ماعندي بعطي حق ام ابوي وانتي بعطيج عقب اقول اوكي الموهيم انا قلت له انا مابي بيزات منك خلاص …انا تعرفيني اقساط السياره وغيره مايصفالي غير اشوي بس اقول الحمدلله يدخل ف راتبي يقولي وين تودين بيزاتج كل شهر عل هالحال اقوله اصلا انته المفروظ ماتسأل عن راتب الحرمه يقول انا زوجي وبدخل …اهني المشكله الكبري قالي اتسيرين الجامعه وتشتغلين انا مااشوفج في البيت قلتله ليش من البدايه ماقلت انا مكمله سنتين ف الجامعه كيف تباني اودر جامعتي وانا طموحي هذا اونه خلاص لاتشتغلين ولا تدرسين طبعا انا اهلي عندهم الشغل والدراسه فوووق كل شىء …الموهيم المشاكل قامتت تزيد عن اتفه الاسباب انا قلته شوف ياولد الناس انا اباه استانس واباه اعيش حياتي شرات باجي الزوجات اباه اخذ راحتي اباه شقه قالي اوعدج بنطلع من البيت عقب اسبوع قال السموحه مابطلع اخاف هلي يدعون عليه جان طلعت اتخيلوا زوجي يقول هالرمسه اتخبلت انا سكت وماقلت شىء وماخبرت هلي …الموهيم انا طلعت من بيتهم وطبعا الحبيب مسااااااافر انا يايه بيت هلي قلت حق هلي انا مابرجع البيت وقلتلهم الاسباب وطبعا هو دق حق اختيه قال انا بوفر لها شقه بس عندي شروط تطلع من الجامعه والشغل ابوي وقف ف صفي قال اهم شىء دراستها وشغلها اذا تباه بنتنا بتوفر حقها شقه وتخليها تدرس وتشتغل مابتستغني بشىء وانا طبعا استخرت ربي لاني عفت هالانسان وكرهت اهله ومااادانيهم خيررررررر شرلا واعرف انهم الحينه مستانسين انا طلعت بس انا مابرجع بيتهم ولا برجع له …اباه الطلا ق صدقيني انا هب مرتاحه والله العظيم يوم يعاشرني اتلوع جبدي منه والله ماادنيه خلاص كارهتنه اقووووووووله لج صدقيني حتى لو وفر حقي الشقه انا مابنسى اللي سوا فيني وهذا غير عن سوالف البنات وصور البنات ويركب بنات ف موتره وووووووايد سوالف ياختي انا تعبت منه والله حتي هاي الاشياء مأثره ف دراستي معدلي نزل واايد الكورس اللي طااف وياه اختي انا اصليت الاستخاره وحلمت احلام مزعجه ان اخته الصغيره راقده عل صدري واخته الثانيه داشه غرفتي يلعوزوني وهو يضحك ….انا خايفه من هالحلم اللي شفته والحينه عقب اسبوعين بيرجع من السفر وعقبها بي بيت هلي بيتفاهم وياهم …صدقيني اعرف ان الطلاق ابغض الحلال واعرف كلمه مطلقه موب هينه بس صدقيني انا برتااااااااح والله وان شاءاالله برجع اصلي الاستخاره بعد والله يسير اموري يااااارب ..