السلام عليكم ورحمة الله وبركاته…
هنا مشكله قد بعثتها احدى الاخوات راجية من الله العلي القدير ومن ثم منكن الحل الامثل لكي تتخطي هذه المشكله وتمشي بها المركب الى بر الامان…
وتذكري ياغاليه… ان مهما كانت المشكله يجب ان نراعي الله في الرد ونبتعد قدر الامكان عن التجريح والاهانه
فلولا عدم حاجة اختنا لحل لهذه المشكله لما كلفت نفسها ووضعت رسالتها…
راجيه منكن يا احبه..
ان تكون الردود بعقلانيه اكثر وحلول انسب دون الخروج عن اللب الحقيقي للمشكله…
بارك الله فيكن ونفع بكن 
السلام عليكم ورحمه الله وبركاته ..
إخواتي أنا محتاجه مساعدتكن ومشورتكن لمشكله بل أنا اعتبرها كارثه بالنسبه لأخوي وبيته ..
أخوي متزوج من 15 سنه تقريبا .. وماشاء الله ،الله رزقهم بعيال من بنات و أولاد الله يخليهم لبعض .. زوجته ماكانت مكمله دراستها قبل الزواج لكن ماشاء الله بعد الزواج كملت دراستها واشتغلت وأعطاها الفرصه أنها تاخذ الليسن ولها سيارة خاصه .. ومع الوقت وبعد مايابت له اليهال واشتغلت وكان لها راتب لحالها .. صارت هي تفرض شخصيتها على أخوي ولو أن كثير من المواقف أخوي يطنشها ومايسوي اللي هي تبغيه ( بهدف أن ماتفرض شخصيتها عليه ) لكن مع هذا نفس الشي .. يعني تخيلو أخواتي المعرسات جد مره صرختي في ويه ريلج وهو عند أهله ؟؟؟ تخيلو هذا اللي يصير للأسف ..
ومره صار موقف بعد .. كان اخوي يتكلم وهي ماعيبها الكلام قامت تتعايب عليه جدامنا !!! وتقلد كلامه بأسلوب يضحك وقمه بقلة الإحترام .. نحن استغربنا وانحرجنا وهو انحرج بعد بس حاول يغير الموضوع .. لا تعبرون سكوت أخوي عليها أن هو شخصيته ضعيفه .. بالعكس هو يحشمها عندنا ومايبغي نحن نضحك عليها .. وهذي حرمه عياله قبل كل شي وبينهم عشره ..
والمهم أنا علاقتي فيها زينه .. بس فيه خصوصيات طبعا يعني مثلاً كل وحده فيها تحترم خصوصيه الثانيه .. وللأسف هي بعد متبرجه بشكل ملفت جداً لدرجه أن أوقات استحي اطلع معاها .. لكن ماعندي غيرها لهالشي اضطر اطلع معاها عشان اقضي حاجاتي .. بس مرة أنا كنت معاها في مركز تجاري .. هي كانت تسبقني في المشي وطبعا كانت تتكلم بالتلفون و وصلنا عند الدرج المتحرك وهي كانت بتحط ريلها وكانت بتتخرطف وانا وراها مره .. وسبحان الله جنه الله راد إني اعرف .. وحطيت ريلي على نفس الدرجه اللي واقفه فيها والريل الثاني في الدرجه اللي قبلها .. وسمعت صوت طالع من السماعه تعرفون صوت منو ؟؟ صوت رياال ! والله ريال إخواتي .. ومب أخوي اللي كان معاها وكانت تتمايع بالكلام .. وتدلع وأنا اتحسب أنها تسولف مع أخوي .. والله انصدمت .. وهي ماركزت اني انا وياها بالضبط يوم انبهت ارتبكت وحاولت توطي على صوت السماعه !!
وسكتت عن الموضوع .. وبعد فتره طويله .. طلعت مره معاها مول وكانت تسولف بالتلفون طبعا طول الوقت .. وانا على بالي حد من ربيعاتها .. لكن أكتشفت انه ريال بعد .. وكانت تحاول انه تغريه بالكلام ببعض الأمور أكيد فاهمينها إخواتي .. والله استحي إني اقول .. وسكتت وقلبي محروق حسيت أن اخوي صدق مظلوم .. للأسف تخونه مع واحد .. ونفس اليوم كنت معاها بالسيارة .. كنت أبغي اطرش مسج لربيعتي وماكان عندي مسج مناسب .. فطلبت منها مسج ففتحت لي الرسائل الوارده وقالت شوفي شو يعيبج وطرشيه على تلفونج .. ( وأعتقد أنها نست تمسح بعض المسجات لأنها كانت من ضمن المسجات الموجود أخر شي ) وأنا ادورلي مسج مناسب لي .. أشوف مسج يتفداها .. ومسج ثاني يقولها انا بالمكان الفلاني .. وفيه مسج ثالث عقبها تأكدت انه ريال وانه هو نفسه اللي كانت تكلمه طول الوقت .. والله تميت مصدومه مع أن نيتي والله ماكان إني اشوف هالمسجات لكن ماعرف الصراحه .. وتميت والله اصيح يومها من الصدمه .. ماعرفت كيف اتصرف .. وسكتت عن الموضوع بعد .. وقلت الله يهديها ولو تكلمت اخاف تقلب الموضوع عليّ .. وقبل فتره بسيطه كنا نتكلم عن امور الزواج وان الوحده صعب تعيش من غير ما تحب الشخص ومن هالكلام .. تقولي تصدقين يافلانه مع اني كم عشت مع فلان ( اخوي) وصج اني احبه لكن ماحس اني احبه هذاك الحب اللي قصدها الحب العذري ( اللي يكون اول حب في حياه الشخص ) قلتلها والله ماعرف بس الحياة والظروف والمواقف اللي تمر بالانسان تخليه يحب .. وسكتت عن الموضوع .. وللعلم هي للحين مستمرة على علاقتها مع الشخص .. وكم من مره اخوي شك فيها بس ماكشفها بس للحين شاك فيها .. لكن لو طلقها وين مصير الاطفال ؟؟؟ مب واحد ولا اثنين .. وللعلم هي تسمع محاضرات الدينيه وتقولي هذا حرام وهذا حلال وأهلها ناس ملتزمين ومعروفين بهذا الشي ..وكثير من المرات تمدح اخوي عندنا وعند الناس برع وتعترف بفضل اخوي عليها وانه ماقصر معاها بأي شي ودايما تقول .. لكن ماعرف ليش تخونه؟؟؟؟! اسكت عن الموضوع ؟؟ على فكره .. أنا عندي رقم الشخص اللي تكلمه .. حفظته يوم شفت المسج لانه رقم تربل وسهل ..
ساعدوني.
السلام عليكم ورحمة الله وبركاته…
هنا مشكله قد بعثتها احدى الاخوات راجية من الله العلي القدير ومن ثم منكن الحل الامثل لكي تتخطي هذه المشكله وتمشي بها المركب الى بر الامان…
وتذكري ياغاليه… ان مهما كانت المشكله يجب ان نراعي الله في الرد ونبتعد قدر الامكان عن التجريح والاهانه
فلولا عدم حاجة اختنا لحل لهذه المشكله لما كلفت نفسها ووضعت رسالتها…
راجيه منكن يا احبه..
ان تكون الردود بعقلانيه اكثر وحلول انسب دون الخروج عن اللب الحقيقي للمشكله…
بارك الله فيكن ونفع بكن
السلام عليكم ورحمه الله وبركاته ..
إخواتي أنا محتاجه مساعدتكن ومشورتكن لمشكله بل أنا اعتبرها كارثه بالنسبه لأخوي وبيته ..
أخوي متزوج من 15 سنه تقريبا .. وماشاء الله ،الله رزقهم بعيال من بنات و أولاد الله يخليهم لبعض .. زوجته ماكانت مكمله دراستها قبل الزواج لكن ماشاء الله بعد الزواج كملت دراستها واشتغلت وأعطاها الفرصه أنها تاخذ الليسن ولها سيارة خاصه .. ومع الوقت وبعد مايابت له اليهال واشتغلت وكان لها راتب لحالها .. صارت هي تفرض شخصيتها على أخوي ولو أن كثير من المواقف أخوي يطنشها ومايسوي اللي هي تبغيه ( بهدف أن ماتفرض شخصيتها عليه ) لكن مع هذا نفس الشي .. يعني تخيلو أخواتي المعرسات جد مره صرختي في ويه ريلج وهو عند أهله ؟؟؟ تخيلو هذا اللي يصير للأسف ..
ومره صار موقف بعد .. كان اخوي يتكلم وهي ماعيبها الكلام قامت تتعايب عليه جدامنا !!! وتقلد كلامه بأسلوب يضحك وقمه بقلة الإحترام .. نحن استغربنا وانحرجنا وهو انحرج بعد بس حاول يغير الموضوع .. لا تعبرون سكوت أخوي عليها أن هو شخصيته ضعيفه .. بالعكس هو يحشمها عندنا ومايبغي نحن نضحك عليها .. وهذي حرمه عياله قبل كل شي وبينهم عشره ..
والمهم أنا علاقتي فيها زينه .. بس فيه خصوصيات طبعا يعني مثلاً كل وحده فيها تحترم خصوصيه الثانيه .. وللأسف هي بعد متبرجه بشكل ملفت جداً لدرجه أن أوقات استحي اطلع معاها .. لكن ماعندي غيرها لهالشي اضطر اطلع معاها عشان اقضي حاجاتي .. بس مرة أنا كنت معاها في مركز تجاري .. هي كانت تسبقني في المشي وطبعا كانت تتكلم بالتلفون و وصلنا عند الدرج المتحرك وهي كانت بتحط ريلها وكانت بتتخرطف وانا وراها مره .. وسبحان الله جنه الله راد إني اعرف .. وحطيت ريلي على نفس الدرجه اللي واقفه فيها والريل الثاني في الدرجه اللي قبلها .. وسمعت صوت طالع من السماعه تعرفون صوت منو ؟؟ صوت رياال ! والله ريال إخواتي .. ومب أخوي اللي كان معاها وكانت تتمايع بالكلام .. وتدلع وأنا اتحسب أنها تسولف مع أخوي .. والله انصدمت .. وهي ماركزت اني انا وياها بالضبط يوم انبهت ارتبكت وحاولت توطي على صوت السماعه !!
وسكتت عن الموضوع .. وبعد فتره طويله .. طلعت مره معاها مول وكانت تسولف بالتلفون طبعا طول الوقت .. وانا على بالي حد من ربيعاتها .. لكن أكتشفت انه ريال بعد .. وكانت تحاول انه تغريه بالكلام ببعض الأمور أكيد فاهمينها إخواتي .. والله استحي إني اقول .. وسكتت وقلبي محروق حسيت أن اخوي صدق مظلوم .. للأسف تخونه مع واحد .. ونفس اليوم كنت معاها بالسيارة .. كنت أبغي اطرش مسج لربيعتي وماكان عندي مسج مناسب .. فطلبت منها مسج ففتحت لي الرسائل الوارده وقالت شوفي شو يعيبج وطرشيه على تلفونج .. ( وأعتقد أنها نست تمسح بعض المسجات لأنها كانت من ضمن المسجات الموجود أخر شي ) وأنا ادورلي مسج مناسب لي .. أشوف مسج يتفداها .. ومسج ثاني يقولها انا بالمكان الفلاني .. وفيه مسج ثالث عقبها تأكدت انه ريال وانه هو نفسه اللي كانت تكلمه طول الوقت .. والله تميت مصدومه مع أن نيتي والله ماكان إني اشوف هالمسجات لكن ماعرف الصراحه .. وتميت والله اصيح يومها من الصدمه .. ماعرفت كيف اتصرف .. وسكتت عن الموضوع بعد .. وقلت الله يهديها ولو تكلمت اخاف تقلب الموضوع عليّ .. وقبل فتره بسيطه كنا نتكلم عن امور الزواج وان الوحده صعب تعيش من غير ما تحب الشخص ومن هالكلام .. تقولي تصدقين يافلانه مع اني كم عشت مع فلان ( اخوي) وصج اني احبه لكن ماحس اني احبه هذاك الحب اللي قصدها الحب العذري ( اللي يكون اول حب في حياه الشخص ) قلتلها والله ماعرف بس الحياة والظروف والمواقف اللي تمر بالانسان تخليه يحب .. وسكتت عن الموضوع .. وللعلم هي للحين مستمرة على علاقتها مع الشخص .. وكم من مره اخوي شك فيها بس ماكشفها بس للحين شاك فيها .. لكن لو طلقها وين مصير الاطفال ؟؟؟ مب واحد ولا اثنين .. وللعلم هي تسمع محاضرات الدينيه وتقولي هذا حرام وهذا حلال وأهلها ناس ملتزمين ومعروفين بهذا الشي ..وكثير من المرات تمدح اخوي عندنا وعند الناس برع وتعترف بفضل اخوي عليها وانه ماقصر معاها بأي شي ودايما تقول .. لكن ماعرف ليش تخونه؟؟؟؟! اسكت عن الموضوع ؟؟ على فكره .. أنا عندي رقم الشخص اللي تكلمه .. حفظته يوم شفت المسج لانه رقم تربل وسهل ..
ساعدوني.
