منو عندها بيت في الظفرة تعالي بسالج شي

خالتي ساكنه في المنطقه .. بصراحه تبين الصدق البيوت ماعليها كلام .. وكبيره وحلوة وفيها احواش كبيره وببلاش مثل ماقلتي .. وهي خاصه باللي يشتغلون فالقاعده الجويه بالظفره …

بس فيها مشكله هي الي تخلي الناس يكرهون هالمنطقه ..
ان عندهم الدخول بتصريح ..
يعني مثلا اختج بتزورج لازم تدخل القاعده العسكريه داخل وتظهر تصريح دخول ولازم قبل الساعه 12 بالليل تطلع ..

اما انتو لا .. يعني اصحاب البيوت مايحتاجون تصريح ..

من غير المنطقه وااااااااايد هاديه .. وطبعا ممنوع دخول التكاسي ..
وفيها جمعيه صغيرونه و كافتيريا وبقاله وحده .. وفيها روضه واظني مدرسه ابتدائيه ..
وعادي طبعا عيال هالمنطقه يدرسون في مدارس اظني في مصفح او خليفه وتدخل الباصات عادي

.

تبين نصيحتي دامج انتي من الفجيره اسكني فيها احسن لج من الايجارات والشقق .. وبتكون قريب دوام ريلج .. انا ريل خالتي يروح فأيام الشتا لدوامه مشي .. لني قريب وايد ..
وبصراحه صارلهم فيها اكثر من 20 سنه .. طبعا لا طلع لهم بيت و لاشي .. فقالو نتم هني ابرك من الايجارات ..

وعلى فكره هالمنطقه متروسه ناس من اهل راس الخيمه والفجيره والامارات الشماليه ..

.
.

واهم من كل شي انج بتكونين ويا ريلج ..وقريبه منه .. وبتحسون بالاستقرار لين يطلع لكم بيت ان شاء الله
واظني الاجراءات ماتاخذ وقت .. اذا ريلج قدّم لنه له الحق دام ماعندكم بيت

المشاركة الأصلية كتبت بواسطة حورية الامارات

هلا لغالية المشكلة ريلي مقدم من 3 سنين وحضرته كنسله عقب والا حرام جان عدنا بيت من زمان بس هو مخه مااعرف كيف تفكيره

عموما ابي اعرف البيت يكون مفروش من قبل والا كيف…….؟؟؟؟؟؟

وعادي يكون عدنا بيت في الظفرة وبيت في البلاد دام انه قاعدين ونشتغل في بوظبي والا لا

لاني ابي اشتغل بس مشكلة الاستقرار هي اللي مخربه حياتي

واشكر ردج الاكثر من رائع صج ماقصرتي حياتي

هلا حبيبتي .. هيه صحيح مفروشه .. بس شوفي خالتي ساكنه من زمااااااااان ..
فبيوتهم من البيوت القديمه .. ماعرف نظام البيوت اليديده كيف ..

و اكيد الي تطرينهم هي البيوت اليديده لنه ماشاء الله مبينه رووعه ..

وخليه يقدم الحين لنه شهر 7 طلعو كل العوائل الي عندها بيوت بالاساس ..
يعني شي وايد ناس عندهم بيوت برا الظفره بس مأجرينها .. وقاعدين في بيوت الظفره لنه بلاش .. بس احينه طلعوهم الشهر الي طاف ..

اما اللي ماعنده بيت مايطلع وريل خالتي متقاعد ولا طلعوه الحمدلله لنه ماعنده بيت

واكيد شي بيوت وايده فضت ..
وانتو مثلا لو كان عندكم بيت فالفجيره اظن عادي لنه اصلا ماعندكم بيت في بوظبي
المهم مايكون عندكم في بوظبي ..

هذا اللي اعرفه ..

المشاركة الأصلية كتبت بواسطة حورية الامارات

مشكورة ياقلبي على ردج

العفو حبيبتي .. وان شاء الله ربي يفرجها عليكم