منو سافرت للسعوديه بالسياره

من دبي الين الرياض حوالي 1200 كيلو على ما اعتقد لانه من دبي الى مركز الغويفات 700 كيلو ومن الغويفات الى الرياض 500 كيلو
والمسافه من الرياض الى مكه حوالي 850 كيلو
ومن مكه الى المدينه 470 كيلو
والطريق مرررررره متعب وخط واحد مو منفصل واغلبه شاحنات ويسمونه طريق (حرض)
وحبيبتي انا من مكه يوم سرنا من مكه نمنا في الرياض يوم وعقب كملنا الى دبي
ورحله سعيده

انا تجربتي كانت مب زينة ويا الطريج…

طلعنا من راس الخيمة الساعة 10 في الليل… ووصلنا الغويفات الفجر…

صلينا في استراحة على طول عقب مركز السعودية…

وبصراحة الله لا يراويكم الشوارع… مع احترامي للسعودية والشعب السعودي شوارعهم
مكسسسسسسسسسسسسسسسسسسسسسسسرة

حتى تشوفين الغار مجلوع ومحطاي على الجهة الثانية… عساس بيسوون يديد

وحفر…. واييج شارع واحد… وشاحنات…. واحيانا تمشين مسافة ما تحصلين محطات بترول..

يعني حاولوا كل ما تشوفون محطة تترسون السيارة فل…

وبعدين صح البترول ارخص بس الـ quality تعبان مووووول.. حتى سيارة اخوي وايد تمت تقطع وتنتع وحالتها حاله كله من البترول لأنه الظاهر التنقية تعبانة…

بصراحة تجربتي كانت جداً سيئة… وحلفت ما اسير بسيارة طريج السعودية ابداً .. إلا اذا بيخدروني من حدود الامارات لين نوصل محطتنا يمكن…

خخخخخخخخ تميت اتحرطم واغربل الساعة اللي اقترحت فيها نسافر بالسيارة خخخخ حتى اخوي يقول الحمدلله اني مب انا اللي اقترحت جان كلتيني بقشوري هههههههه

السلام عليكم..
بوسيف يقووووولج بعد السلالالام.. لا تروحون بالسياره واذا المعنى توفير فلوس التذاكر عقب بتحطون الفلوس في تصليح السياره! يعني نفس الشي.. تجربته مريره بالسياره!! مروا على مكان وهم طالعين من ابها الحصا من قوة الريح مثل الرصاص في الزجاج والشاصي والصبغه انعدمت هذا غير التواير يعني تعب في تعب..
شو فايدة الاجازه اذا ما ارتاح الواحد فيها.. وأتمنى تستانسين في الرحله سواء بالسياره او الطياره بس حبيت انقل لج تجربتنا
والسموحه يا الغاليه..