منو بتفيدني عن الصكوك الوطنية

هلا وغلا ..

الغالية هم مب دووم يطرشونلج مسج .. بس المفروض اول ما تشترين من عندهم وتدخل بيانتج في السيستيم يطرشون مسج ..

بالنسبة للسحوبات فهي في كل اول شهر .. وفي السنة الارباح تعتمد يعني من 4 – 7 % ارباح تحصلينه (حتى لو مافزتي في السحب) ويضيفونهه نقاط ..

ومتى ما بغيتي تردين فلوسج .. ما عليج الا انج تسيرين بنك الامارات وتسترجعين فلوسج ..

بالنسبة للسحوبات .. لاحظت انا وبعد من صديقاتي الي اشتركن في صكوك .. انه اول كم شهر تربحيين .. يعني تربحين 100 درهم كل شهرين .. لمدة كم شهر ..وعقب ما تربحيين شيء ابداا .. مهما كان المبلغ الي حاطتنه .. وكأنه هذي استراتيجية يتبعونها علشان الواحد يتحمس اول كم شهر ويشتري زيادة ..

طبعا اذا ربحتي في السحب يطرشونلج على البريد رسالة انج ربحتي المبلغ الفلاني ويحطون البلغ كنقاط على المبلغ الاجمالي الي عندج .. وحتى لو ماطرشولج الورقة .. ممكن تتأكدين اون لاين من موقعهم .. او ممكن تتصلين على رقمهم المجاني .. تتأكديين ..

واذا عندج اي استفسار انا حاضرة

ا لا مب حرام امس تابعته وقالوا انه نظام اسلامس ميه بالميه وكان مباشر

عموما مشكورة ام سالم على افادتج وبسالح اذا في شي

لا منو قال يربحون بس 100 درهم أنا ريلي تم أمشارك وبعد 3 أشهر ربح 500 وبعد شهر ربح 100 وحميتي تمت 7 أشهور مول ماربحت شي بعد السبع ربحت 1000 درهم ونفس الشي ريل أربيعتي لحد الحين رابح 3800درهم وسالفه سالفت حظ الغاليه