منو الطباخة فيكن بتعلمني كيف اسوي البتيفور ويكون طري وهش

المشاركة الأصلية كتبت بواسطة أم ولوودي

الموضوع باين من عنوانه يالله منو الشاطرة الي فيكن

مرحبا اختي ..

أنا بقولج على طريقه وأنا دائما اسويها والكل يتخبل على البيتفور مالي ماشالله
بكتبلج الطريقه وبراويج الصوره بعد ..

المقادير:
3 ونص كأس طحين
1 ونص كأس سمن
1 كأس سكر بودرة
بيضتان
ملعقه بيكنج بودر
ملعقه فانيلا

الطريقة:
تأخذين البيضتان + ملعقه الفانيلا ،، وأخفقي معاً ..
بعدين فوقه مقدار السمن ، وابدي بالخفق حتى يمتزج كاملاً ..
عقب السكر فوقه واخلطي حتى يصير شرات الكريمه
وحطي البيكنج بودر واخلطي
واخيرا حطي الطحين بالتدريج واعجني شوي شوي
لين تحصلين على عجينه لينه متماسكة
عقب حطيها في جهاز البيتفور واكبسي في الصينيه بأشكال مختلفه
ودخليها في الفرن على نار هادئه بس تحمر من تحت طلعيها وخليها تبرد عقب زينيها بالي تحبينه ..

مشكوووورة صرخة قلب على الوصفة …

بس اختي هذا السمن من وين نيبه.؟؟
ونقدر نحط بداله زبدة؟؟