منحبطة و مكتئبة !! والسبب!!!!

حبيبتي نحن العصاقيل تبغي نمتن
وانتو المتان تبغون تضعفون
والحياه هيك ماشيه ..

بس لازم ماتيإسين مثلي انا ماأيأس وااحاول رغم اني الف مره رجعت ورحت المستشفى بسبة اني اغصب روحي ع الاكل ..

المهم غناتي اهم شي اتخلي رمسة الناس اللي حولينها دافع لها انها لما تشتهي اكل ماتاكل
انها اتحط في بالها انها فتره وبتعدي ..

والله يوفقها

السلام عليكم ورحمة الله وبركاته

مممم بالنسبه لموضوعج ترا وايد بسيط وانا عانيت منه

مشاء الله عليج قدرتي تنزلين 10 كيلو في شهرين ؟ إنجاز والله !
وطولج مع وزنج ما يبالج وايد

يعني من 75 – 70 بتكونين تمــآآآم

شوفي .. لو اهلج يراقبونج صدقيني هم يحاتونج مب شي ثاني
خلي كلامهم دافع لج مب احباط .. انا عندي قاعده .. الأهل دايما هم الي يقولون الصدق وما يجاملون
ادري شعورج كيف .. تحسين مب ناقصه كلامهم لأن الي فيج مكفنج ..

بس معليه خليه دافع إيجابي .. قولي إنج بتنزلين عشان تكونين راضيه عن نفسج زيادة
وتثبتين للكل إنج تقدرين
تدرين .. لو نقصتي 10 كيلو زياده بعد .. الكلام بيتحول من إنتقاد إلى تحفيز… الكل بينبهر منج

وشوفي ترا الطبيعي إنج تنزلين 5 كل شهر .. وكل ما كان نزولج أبطأ .. كل ماثبت وزنج ومايرجع بسهوله

وبالنسبه لروحه النادي .. نصيحه مني .. سيري كارفور او اي مكان .. واشتري سيديات تبيع تمارين آيروبك .. وسويه بروحج في البيت
لكل شي حل

واتذكري بعد التعب هذا النتيجه تستحق ..

الله يوفقج يارب ..

السلام عليم ورحمة الله وبر كاته

اولا ما شاء الله عليج تمشين ساعة يوميا صراحه انجاز بمعنى الكلمة

بقولج لانى انا نفس حالتج قبل بس الحين انا مشتركه فى نادى رياضى ومن الى تعلمته انه مهما حركتى الجسم يضعف .

مب لازم ايروبكس لانه صعب تطبقينه بروحج شوى وطبعا اكيد النفسيه داون لانه ما فى تشجيع فالحل الافضل الرقص
بقولج تجربتين تجربه لى وتجربه لوحده خبرتنى بها

تجربتى يت على فترة تميت ارقص على اغانى طبعا مسحوب منها المسيقا وتميت فترة اسبوع لين اسبوعين رقص فستوالى خصر بس للاسف بطلت .

تجربت ربيعت ربيعتى تفاجئت فيها ربيعتى ضعفت فجاة قالت كنت ارقص ساعتين يوميا

فانتى تخيلى انج ترقصين ساعتين يوميا على اناشيد وبدون مسيقى ( امر بالمعروف وانهى عن المنكر ) مع مشي ساعه يوميا صدقينى بتحسين بالفرق .

هذا من جهه من جهه ثانيه دايما خلى جسمج فى حركه دايمه مثلا انا لو عند التلفزيون ويالسه على المكبيوتر اتبطح على الغنفه ودايما اهز ريولى او ايبها يمين او يسار المهم تتحرك وجسمي يتحر وياها ,اذا يالسه على كرسي حركى ريولج سيره وييه , حاولى وانتى تمشي من الصاله لين الحجر وبالعكس انج تمشين على اصابع ريولج .

صدقينى مع مرور الايام بتضعفين وما عليج من كلامهم صدقينى كل انسان يجرحج تاخذين من حسناته لو هو قاصد يجرحج وكل انسان يعاير غيره لازم ربي يبتليه وهذا ابتلاء والله يصبرج عليه وعلى فكره نسيت اقولج اشربي ماى وايد ترى الماى يشيل الدهون الى فى الجسم ويطلعها برع وحاولى بعد تاكلين الرقى ( البطيخ الا حمر) والشمام والخيار هذه الاشياء وايد تساعد وحاولى تقدمين عشاج لين الساعه ثمان او تسع بعدها كله سوائل وان شاء الله خير .