مناكير ما ينقض الوضوء . تعالوا شوفوا المفاجأة !!!!!!

هلا بنوتات كتكوتات حبوبات :1 (21):

جم مرة راودتج نفسج تحطين مناكير لو شفاف لأظافرج .. عقب تهايزتي بسبب الوضوء :1 (30): ..

كلنا ندري إن المناكير ينقض الوضوء

بس أنا من سنين عندي طريقة أحط فيها مناكير ما ينقض الوضوء ..:1 (31):

عرفت هالطريقة يوم كنت في ثاني ثانوي .. وصلني طقم تلميع أظافر هدية من أوروبا .. ذيج الأيام كان هالابتكار تحفة ..

وكنت أسوي لنفسي ولنص بنات العايلة .. كلهم يبون أظافر كأن عليها مناكير شفاف ..

الليلة كنت أسوي لايدي وأطالع الموقع .. جان أقول .. أسميني أنانية .. ليش ما أخلي البنيات يستفيدن ..

وبكاميرا التيلفون :22 (28): صورت لكم الأدوات والخطوات والنتيجة .. والسموحة عاد لأني كنت أصور بايد وأحاول أسوي حركة العمل باليد الثانية ..

شوفوا أول شيء ..

تحتاجون نوع خاص من المبارد .. إسمه مبرد تلميع ..

هذا النوع اللي عندي .. شارتنه من نزيه بمبلغ خرافي ( 3 دراهم و 25 فلس ) !!!!!!

لا والجيس فيها مبردين بعد …؟

هذا هو المبرد .. بس هو يكون من جهة لونه أبيض ووردي .. ومن الجهة الثانية رمادي ..

هنيه أنا حاطة المبردين كل واحد على جهة عسب اتشوفون ..

هذي صورة مجموعتي القديمة .. طبعا محتفظة فيها لأنها هدية ولأنها فادتني وااااااااايد ..

لاحظوا المبارد مرقمة ..

المهم الحين انيي للخطوات

أول شيء الوحدة قاصة الاظافر وباردة الأجزاء الزايدة وشايلة الجلد الميت ومخلصة ..

تبردين ظهر الظفر بالجهة اللي فيها اللون الوردي .. تكون خشنة شوي بس أنعم عن مبرد حف الأظافر ..

بعد ما تخلصين كل الأظافر من اللون الوردي ..

تبردين ظهر الظفر بالجهة الملونة بالأبيض ..

من تخلصين الأظافر كلها ..

تقلبين المبرد وباللون الرمادي .. تحجين ظهر الظفر وايد ..

بتلاحظين أن الأظافر تلق وتلمع كأن عليها مناكير شفاف ..

وطالعوا الفرق بين الأظافر … الابهام والسبابة مخلصة منهم والباقي بعدني ما سويت الخطوة الأخيرة ..

شوفوا ..

وهنية السبابة ملمع .. والاصبع الأوسط لا .. شوفوا الفرق

وهنيه كل الأظافر بعد التلميع ..

شو رايكم ؟؟

أتمنى يعجبكم ..