ممكن طريقه العيش المهروس

وعليكم السلام،،

الختي بالنسبة للعيش مع الخضار وايد بسيط
في جدر صغير اللي يسوون الصلصات فيه
حطي شوية عيش ملعقتين كبار تقريبا
واحد بصل اخضر مع الورق مفروم (اختاري اللي حجمه صغير وورقه ناعم)
قطعة صغيرة جزر مفرومة
قطعة صغيرة كوسى مفرومة
ضيفي عليه الماي لين يغطيه واكثر
خليه يغلي لين تسير حبات العيش كبيرة وتقريبا مفتتة وعادي يظل فيه شوية ماي بعد ماينضج ( لا تخلينه يسير ناشف،، اذا قرب ينشف وبعده مانضج زيدي ماي)
وبعد ماتطلعينه من الجدر هرسيه عدل بالشوكة
مناسب من عمر ست شهور وصاعد
طبعا ماتضيفين لا ملح ولا بهارات لين يكمل الياهل سنة
ممكن تستبدلين الكوسى بالبروكولي ( عن ولدي ماكن يحب ادمج الكوسى والبروكولي ابد،، اذا استخدمتي البروكولي ممكن بعد تستبدلين البصل الاخضر بربع بصلة حمرا مفرومة)

العيش مع الخضار وايد مفيد لليهال
وتقدرين اتضيفين اي خضار موجودة
وبعد شوربة الخضار

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ .