ممكن طريقة عمل المقلوبه ^_^

عن طريقتي و ريلي تعيبة ( اهم شيء )ههههه
المهم …..
1- تفورين الدياي اشوي طبعا حطي فيه الملح و البهارات و الحبة الحلوة بدون الكركم
2- من الماي مال الدياي طبخي العيش بس ما يكون طبخة وااايد لانج بعد بتحطين آخر شي شويه ماي .
3- قطعي كل من ( البطاط + الطماط+ البصل + الباذنجان +الجزر )بشكل دائري و قليهم كل واحد بروحه لا تنسي قلي الدياي بعد باستثناء الطماط طبعاً
4-في قاع الجدر وزعي كل اللي قليتيه من الخضرة و فوق كل الخضرة حطي الطماط و بعده الدياي و فوقه على طول العيش
5- حطي اشوي ماي فوق العيش بحيث يغطي بس طبقة الخضرة
6- و فوق العيش حطي اشوية ماي ورد و زعفران إذا تحبين
اتمنى وصلت لج اللي تبينه و جاهزة لاي استفسار حبوبة

مشكووورات و جزاكن الله خير

تحياتي

بنوتة بوظبي