ممكن طريقة التوفي

المقادير
واحد علبه قشطه بارده لازم تكون بارده عشان ما يتكتل السكر

وفنيانين سكر

واحد زبده جامده عشره غرام

الطريقه

يوضع السكر على النار ويقلب إلى أن يشقر قليلا ثم نضع الزبده والقشطه بالسرعه ونقلب المزيج
إذا سخن كثيرا نزيله عن النار ونقلب إإلى أن يمتزج الخليط جيدا وتذوب تكتلات السكر
وبس

.
.
كثير من البنات ما يضبط معاها التوفي

لكن هذى الطريقه مضمونه باذن الله

وتقدري تحتفظي فيها بالثلاجه وتبقى معاج سائله وما تجمد

والسموحه يا بنات ان ماقدرت اصور لكم تفاصيل الطريقه …
و الطريقه سهله ان شاء الله

المقادير :

1 كاس سكر

ربع كاس ماء

قشطة نستله دافيه (توضع في ماء دافي )

ملعقتين زبده

الطريقه :

حطي السكر والماء على نار عاليه حتى يغلي وتظهر الفقاعات ويبدي السكر يشقر … ولا تخلينه يحترق انتبهي

بعدها وطي على النار واضيفي القشطه والزبده وابدي حركي الخليط بسرعه حتى يتجانس تماما … ثم طفي النار عليه وخليه يبرد على راحت
بعدها جهزي علبه كاتشب فارغه …. واحفظي التوفي فيها

.
.

ان شآءالله تستفيدووو من الموضوع

منقوووووول

تراها ممتازه و الماء مع السكر يساعد على عدم تكتل السكر جربيها و بأذن الله بتعتمدينها….

ليش تحطون زبده انا ماحط
احط 3فنايين شكر وخاشوقين ماي على النار لين مايستوي الشكر كارميل عقب اشيله من النار واحط خاشوقتين قشطه وعلى السريع احرك وتحملي عن تحترقين وعقب ارده على نار واحط باجي القشطه واتم احرك ساعات السكر يتكتل بس تمي حركيه وبيذوب
هاي الطريقه المعتمده عندي