ممكن استخدم المايكرو ويف بدال الفرن ؟ فيدونا بليز><

السلام عليكم ورحمة الله وبركاته

اولا وقبل كل شي احب اشكر الاخت شوكلاته uae
و الاخت مرحباني ..و الاخت رمانه "اتمنى الاسم صح"

روووعه اكلاتكم والله خااااطري اجربها كلها خاصة الكرواسن و والفطاير والبيتزا والمعجنات

انا احبها وااايد ..وخاطري اجرب السويتس بعد لكن مشكلتي ما عندي اهم شي لتحضير هالاكلات

"الفرن ".. او بالاحرى عندنا طباخ along with oven

لكن ما اعرف استخدمه ما اعرف فرن الطباخ كهربائي ولا يشتغل بالغاز ..جربت اشغله عل غاز ما ولع .. ما جربت الكهربا .."نوعه bompani

ولونه ابيض..اللي يعرف يستخدمه يخبرني بليز ..

هذي صورة له

و طلب ثاني صغيرووون ..اعرف طولت عليكم لكن مالي غير خواتي سيدات الامارات يخبروني كيف اتصرف ف مملكتي ..

ابي اعرف هالاكلات وغيرها اللي يبالها فرن ما ممكن اسويها بالمايكرو ويف ؟؟؟

اعرف المايكرويف بسرعه يسخن ويمكن يحرق الاكلة ..لكن مب ممكن اخفض حرارته وتستوي معاي عادي ؟

خاصة البيتزا,, مرت اخوي تقول لي انها كانت تسوي بيتزابالمايكرويف "لكن تستخدم عجينة البيتزا الجاهزة تاخذها من الجمعية "

ما ممكن اسوي البيتزا بعجينتي اللي اسويها بالبيت و اطبخها بالمايكرو ويف ولا بتحترق مالتي ؟؟

ابي اعرف بليز اللي عندها خبرة بهالسوالف تفيدني ولكم كل الشكر مني مقدماً