السلام عليكم ورحمة الله وبركاته
شحالكن خوات
أنا بصراحة بغيتكن تساعدوني في حل مشكلتي
أنا من أكثر من سنة مطلع سيارة والحين داشه على السنتين ، ملكية السيارة في عيني ما شفته .
ريلي الله يجزيه خير خلص الإجراءات كلها وسجل السيارة وطلع الرقم ويابلي السيارة لحد باب البيت.
وأنا طبعاً زوجي ما شوفه إلا مرة في السبوع بحكم عمله.
وكل سبوع ينزل عندي أذكره فيها وهو يقول لي زين وبعدين يروح وينساها وأنا كل مرة أكلمة بهدوء حتى لدرجة اني شكيت انه السيارة باسمه وسألته عن هالشي وقالي لا السيارة باسمج وما كنت محتاجة اني أحلفة لأن الصدق كان مبين في عينه.
بتقولن لي انتي شو محتاجتنها بقولكن محتاجة أسوي بطاقة سالك وغير انه أحياناً تستوي لجنة تفتيش صح انهم ما يوقفوني كوني حرمة بس ما نظمن الظروف اليايه ، وأضيف إلى ذلك استوى لي مرتين حادث ونجيت الحمدلله بس الإحراج لما الشرطي ايني ويقولي هاتي الرخصة والملكيه طبعاُ الرخصة موجودة بس الملكية؟؟؟ يوم قلت له عند ريلي يستغرب قال لي يحتاي انها ما تطلع من السيارة، قاموااتصلوا فيه وطرش لهم الملكية عبر الفاكس.
أنا شكلي بييني يوم من الأيام بقول كلمة قاسية بسببها.
ودي أحينه أسمعه كلمتين توجعه علشان يحس فيني بس بعدين أقول هو يكفي المشاكل اللي عنده والهموم اللي على قلبهبعد أنا أزيده.
قولن لي شو الطريقة اللي أستعملها عشان ما ينسى الملكية
وسامحني غثيتكن معاي
السلام عليكم ورحمة الله وبركاته
شحالكن خوات
أنا بصراحة بغيتكن تساعدوني في حل مشكلتي
أنا من أكثر من سنة مطلع سيارة والحين داشه على السنتين ، ملكية السيارة في عيني ما شفته .
ريلي الله يجزيه خير خلص الإجراءات كلها وسجل السيارة وطلع الرقم ويابلي السيارة لحد باب البيت.
وأنا طبعاً زوجي ما شوفه إلا مرة في السبوع بحكم عمله.
وكل سبوع ينزل عندي أذكره فيها وهو يقول لي زين وبعدين يروح وينساها وأنا كل مرة أكلمة بهدوء حتى لدرجة اني شكيت انه السيارة باسمه وسألته عن هالشي وقالي لا السيارة باسمج وما كنت محتاجة اني أحلفة لأن الصدق كان مبين في عينه.
بتقولن لي انتي شو محتاجتنها بقولكن محتاجة أسوي بطاقة سالك وغير انه أحياناً تستوي لجنة تفتيش صح انهم ما يوقفوني كوني حرمة بس ما نظمن الظروف اليايه ، وأضيف إلى ذلك استوى لي مرتين حادث ونجيت الحمدلله بس الإحراج لما الشرطي ايني ويقولي هاتي الرخصة والملكيه طبعاُ الرخصة موجودة بس الملكية؟؟؟ يوم قلت له عند ريلي يستغرب قال لي يحتاي انها ما تطلع من السيارة، قاموااتصلوا فيه وطرش لهم الملكية عبر الفاكس.
أنا شكلي بييني يوم من الأيام بقول كلمة قاسية بسببها.
ودي أحينه أسمعه كلمتين توجعه علشان يحس فيني بس بعدين أقول هو يكفي المشاكل اللي عنده والهموم اللي على قلبهبعد أنا أزيده.
قولن لي شو الطريقة اللي أستعملها عشان ما ينسى الملكية
وسامحني غثيتكن معاي
