مكان أو حرمه تعلم الخدم الشغل

ماعرف
استغفر الله

لا اتودينها مكان اختي والله نصيحة
بتخترب وبتتعود على الطلعة , وخصوصا انها بتتعرف على الخدم
اللي شافتهم , ويمكن اتشوف عندهم موبايل او اي شي ثاني
وبتيج وابتقولج ابغي مثلهم , وليش هم عندهم كذا وانا ماعندي
علميها بروحج شوي شوي وبتتعلم على ايدج انتي , مب يد غيرج
انتي راعية البيت , وخليها تمشي عليج
وعسب ما اتقولين ليش انا انصحج انج ما اتودينها مكان !
وحدة من الاهل كانت اتودي خدامتها مكان يعلمونها الشغل
وهي تسير المدرسة , يعني طول الفترة الصباحية عند هالناس للتعليم
لمدة اسبوعين . والحين ما اتوديها , خلتها في البيت , تتحسب انها اتعلمت
ومن ترجع من المدرسة تلقاها ميلسة و مووول مب مسويه شي , يعني
ردي وديني بيت هالناس مره ثانيه , ما بتم في البيت
ومن فجر الله الخدامه لابسة ثيايبها ومتعدله ومتصفده تتحري نفسها بتسير عند الناس
بس الحرمة اتسويلها طاف وما اتوديها , والحين متلاعنه عليها اذا ما وديتيني
عندهم كل يوم ما بشتغل , والسالفة هذي اتكررت وياها اكثر من مرة واكثر من بيت
والنتيجة , كلهن سفرتهن واخرتها اشتغلت بروحها
لا اتودين خدامتج مكان مووول ولا اتخلينها تطلع من البيت وتحتك بالخدم
خليج متابعة لها حتى لو ما عندج وقت

أختي بنصحج تعلمينها بروحج طبعا عشان تتعود على الشغل اللي انتي تبينه

انا اول ما يت خدامتي كنت اشتغل انا وياها مع بعض و هي تشوف و اللي خربته

أرجع اصلح لها اياه و تشوف و تنفذ وليومج هذا لأنه الحياة فيها تطور و أشياء وايد فالبيت تتغير

لكن إذا إنتي مصرة على انه تعلمينها عند احد أعرف حرمة خطيرة فهالسوالف لكن فبوظبي

تتركينها عندها فقط أسبوع ترجع لج ماجستير فشغل البيت ههههههههه

لكن الطبخ يباله شوي يعني اسبوع واحد ممكن تتعلم 4 أو 5 اكلات رئيسية + سلطات مثلا + بعض المقبلات

أنا يوم سافرت تركت عندها خدامتي و كانت توها ياية من بلادها و ماشاء الله صارت تتكلم عربي خفيف

و تطبخ بعض الامور لكن عدلت لها فالطبخ لنه طباخي غير و ما أحب البهارات كلها !