مقلـــــوبة الزهرة والبطاطا مع الدجاج من بيت ربيعتي

شحالكن أحلى عضوات

أدري إني هالايام ما أحدر وايد بس عندي شوية ظروف وأشغال

من كم يوم ربيعتي عزمتني وقالت لي إلا أذوقج المقلوبة

وأنا عاد ماأصدق حد يعزمني عشان أصور مممممم تبون الصدق عشان >>>>

ما تتخيلون طعمه والله والله من يوم ما كليته وأنا لليوم أبا مقلوبة
مقلوبتها غير
خااااااااااااااااااااااطري والله

أبا أعزم عمري عندها

^_____^

المقادير والطريقة سهلة

دجاج مطبوخ بالماي
زهرة اللي هو القرنبيط مقلي
بطاطا مقلية
شعيرية
عيش مصري (( يمكن هذا هو سر الطعم ))<<أول مرة أكل مقلوبة بالعيش المصري
بهارات حق العيش وملح

تطبخون الدجاج في الماي والبطاطا والزهرة تنقلي
الشعيرية تشوحونه في شوية زيت وتخلطونه بالعيش المصري مع الملح والبهارات
في جدر ثاني تصفونه طبقات وتطبخونه بماي الدياي وتخلونه عالنار لين يستوي
وبيكون عندكم أحلى مقلوبة

لذيييييييييييييييييذ

والسموحة الصور من تصوير البلاك بيري<<تصوير رديء

هني قبل يستوي ومالحقت أصور من الاول

بعدنا نتريا .. هني قبل ينطبخ عدل

يمي يمي .. جااااهز

بالعافية علينا
منو بتعزمني عالغدا .. بعطيها حلاوة