مقابلة وظيفة ادارة الموارد البشرية

و لا رد

المشاركة الأصلية كتبت بواسطة falfool

اسئله عاديه لا تخافين و توكلي علا الله

اول شي يسألونج عرفي عن نفسج و اغلب الدوامات بالإنجليزي امّمممم تقوليلهم اسمج و تخصصج و سنة التخرج و عدد سنوات الخبره ان وجد و الدورات اللي عندج

امّمممم بيسألونج ليش اخترتيهم و هنيه أشويه أدهني سيرهم و امدحيهم و طبعا سوي سيرج عن هالشركه قبل ما تسيرين

اعرفي شو المسمى الوظيفي اللي رايحه بتقابلينهم عشانه و جوفي الجوب ديسكريبشن ماله لانه عادي ينشدونج شو تعرفين عن هالوظيفه

بيسألونج كم تتوقعين الراتب و شو تتوقعين أتكون امتيازاتهم

و دققي فالسي في مالج لأنهم يسألونج منه مثلا الدوره الفلانيه اي سنه خذتيها و كانت عبارت عن شو

في مقابله من المقابلات نشدوني لو استوت مشكله في قسمج كيف بتتصرفيين ،،

لو كنتي اتداومين قبل أبدا لا تطلعين سلبيات الشركه السابقة بالعكس امدحيهم

خلج واثقه من عمرج بس مش بزيادة و خذي وقتج فالإجابة عن اي سؤال

هاللي يحضرني الحينه و الله يوفقج

فديتج حبيبتي مشكوره
بس المقابلة ما اعرف اذا يستوي اقول و الا لا
المقابله في جهاز امن الدولة و ما حددوا شو الوظيفة بس اتوقع يبون تخصصي
اذا تعرفون معلومات عن الجهاز افيدوني فديتكم
و يزاكم الله خير و في ميزان حسناتكم

اكتبي في قوقل امثله لـ اسئله المقابله وبيطلع لج السؤال مع الجواب سواء بالانجليزي او بالعربي