معاناتي ويا لوعة الجبد فالسياره =( ارجوكم ساعدوني

السلام عليكم ورحمة الله وبركاته
شحالكن خواتي عساكن بخير ؟

طبعا بدخل فالموضوع دايركت لانيه صدق واايد تعبانه واريد حل ..
مشكلتي من فتره بسيطه بس يمكن ماتقل عن شهرين
بديت احس بلوعه جبد يوم اركب السياره للعلم اني ماكنت جيه ابدا ,!

والحمدالله ماكنت حتى ارجع .. بس من فتره كنت سايره خط وكنت مضايقه
من وحده وااايد .. فحسيت بلوعه فجبدي وحاولت اسيطر على عمري بس ماقدرت ورجعت .,!
يعني يمكن سبب لوعة الجبد هي ضيقتي ..

ومن بعدها حالتي حاله كل ماأركب سياره او شي احس بلوعه فجبدي واحس اني برجع وبدون سبب ..
بس ماقد رجعت من هاييج المره .. بس اتيني لوعه واحساس اني برجع واتم خايفه واحاتي هالشي =(

وللعلم هب دايما اتيني هاللوعه .. بس يوم اركب ويا حد غير ريلي على طول تلوع جبدي لو مسافه
الدرب كانت طويله يعني .. مثلا رايحه ضاربه خط ويا الدريوليه وجيه او حد من اهلي ..

ولاتقولون لي روحي الدختر لاني ماداني اسير .. واللي بتقولي يمكن حمل اقولها لا هب حمل لاني سرت وفحصت .. دخيلكن اللي تعرف شو اخذ عن هاللوعه لاتقصر وياي .. وفي ناس قالولي الزنجبيل والليمون زين .. بس انا اريد شي يوقف هالشي نهائيا .. وللعلم هاللوعه ماتيني الا يوم اركب السياره وتكون المسافه طويله …

والسموحه ع الاطاله ..