مشكله بنت معانا عمتي و ريلي و الليسن ! 20

حلواتي

اتمنى تساعدون الاخت الغالية كيف تقضي على عمتها بضربه قاضيه ههههههههه والله

اسولف ههههههههههههههه

كما تعرفووووووووووووون كل يوم انشر 3 مشاكل لاخواتنا العزيزات اللي بروحهم ما يقدرون

يكتبون مشاكلهم خوفا من حد يعرفهم

المشاركة الأصلية كتبت بواسطة ::::

السلام عليكم ورحمة الله وبركاته

المشاركة الأصلية كتبت بواسطة ::::

حبيت اشكرج على مجهودج في مساعدة العضوات في طرح مشاكلهن

وعندي مشكلة وابغيج تطرحينها ويزاج الله كل خير
والله يوفقج في الدنيا والآخرة يا رب

مشكلتي هي عمتي وريلي

انا اسكن عند اهل ريلي فملحق
ويوم بظهر مكان ريلي يباني اقول لعمتي وين احنا بنسير
وانا عادي بقول لها وين بنسير بس هي مرات انا اكون يالسه عندها وفجأه اشوفها تلبست وطلعت بدون ما تقولي وين بتسير
انا مابا اتحكم فيها بس ع الاقل تحترم قعدتي عندها ولا تخليني حالي من حال الكرسي
والله هالموقف واااايد حز فخاطري

ومن عقبها قمت اظهر بدون ما تدري وين احنا سايرين

حتى مرات اسير وارد وهي ما تدري عن هوا داري عقب انا اقول لها سرنا هالمكان بس ما تقول شيء، ومرات يوم بتعاند بتقولي كان يبتو هالشي الفلاني مع انها دوووم مطيحه فالمكان اللي تقصده واكون ما سرت هالمكان!

ويت فترة كله تطلع هيه وبناتها ويخلوني بروحي فالبيت حتى اتم اصيح اقول ليش ما يبوني اسير وياهم وريلي يكون دوام اقول ليش ما اسير بيت اهلي

عقب اقول بكون احسن عنها وبقول لها وين بسير
وتي فترة انكون زينين بس فجأة اشوفها ردت على الطير ياللي
ولا تحسبونا اعداء بالعكس حبايب بس هالشي اللي يضايقني فيها

عقب تميت احن على ريلي يعلمني السواقة ويطلع لي ليسن وسيارة
وشارط عليّ اطلع للحايه بس ويكون المكان قريب
بس للحين ما تعلمت السواقه

الحين ابا حل كيف اقنع ريلي انه يطلع لي ليسن

وكيف اتعامل مع عمتي؟
هل لازم اقول لها وين بسير والا مب لازم؟

ومشكورات وهالله هالله فالردود السنعه ومابا ضرابه >.<

ويزاكن الله كل خير