مشكلتي والرضاعة أرجو النصح والارشاد

اختي هالشي مب طبيعي لانه اللي اعرفه اذا البيبي طول اكثر عن ساعة في الرضاعة يعتبر في مشكلة واذا ما يرضع عالاقل 15 دقيقة بعد في مشكلة في الرضاعة والحل انج تشوفي اخصائية رضاعة وشوفي اليوتوب فيه واييد مواضيع وطريقة الرضاعة الصحيحة والله يوفقج

التعديل الأخير تم بواسطة دنيا أحلى ; 2012-09-12 الساعة 23:34

مبروك حبيبتي ما ياج وتربى في عزكم يارب
بالنسبه الشفط انا جرب الكهربائيه واليدويه الكهربائية تصنيف الصدر لانها تسحب بسرعه الحليب اما اليدويه فسحبتها تكون مثل شرب البيئي للحليب وما ينشف الصدر
بالنسبه لودج اهو يطول بالرضاعة لانه ينام لم يرضع فأنتي شو لازم تسوين له تسحبين خشمه علشان يقوم او تسحبين أذنه وتحركين اصابعج على خده كنك تلاعبينه علشان يرضع وما ينام ويشبع واذا كان ينام بسرعه بالقماط فتحي عنه القماط علشان يرضع عدل ويشبع ولا تاكلين وانتي تضعينه موب زين للبيبي خلي احد يشيله عنج لين تاكلين لانه موب زين يسوي للطفل غازات وانتفاخات فالمعده او حاولي تعطيه مصاصه وقت أقلج على فكره انا وخواتي لحظنا انه لم يكون وقت الغداء او العشا البيبي يصيح ما يبينا ناكل جد دققي و بتلاحظين هالشي هههههه
ونحن أمهاتنا يقولون لا تخلين جوع الأربعين يسرقه ولا بيتم دوم ضعيف وما يحب الأكل
والله يعينه على تربيته التربيه الصالحة

وعليكم السلام والرحمة اختي هذي الرضاعة، عادي يطول البيبي في ايام بيشرب اكثر عن الايام الباقية وتكون هذي فترات النمو السريع وعقب يرجع مثل اول في الرضاعة

حاولي ماترضعينه وهو نايم
فجي القماط شوي عنه وهو يرضع عشان مايرضع وهو كسلان او شبه نايم، وقت يحس بالبرد يتنشط ويشرب بسرعة
اذا نام وهو يرضع شيليه على كتفج وجديه، مرات الياهل يحس بالشبع اذا في بطنه هوا ويناموعقب يرجع يحس بالجوع وبتتأذين معاه كل شوي حليب
اذا وعى ردي رضعيه لين يشبع بروحه يفج الصدر او ينام،، عقب جديه اذا ضل نايم خليه
واذا كان ماسك على الحلمة وهو نايم لاتسحبين صدرج بالقو، دخلي طرف صبعج الصغير والنظيف في حلجه من الطرف عشان يفج الحلمة
عقب قمطيه

مثل ماذكرن الخوات الطبيعي تقريباً مابين عشر وخمسة عشر دقيقة للثدي الواحد لين 45 دقيقة للثدي،،
يعني فترة الرضاعة بين الثلث ساعة والساعة ونص
اصبري هذي الفترة عقب جسمج بيتعود و عقب الوقت مابين رضعات البيبي بيتباعد بالتدريج ممكن كل ثلاث ساعات وعقب ممكن كل اربع ساعات