السلام عليكم
أخواتي بغيت استشيركم في موضوع خطبتي .. و يا ريت اتشاركوني رايكم ..
قابلت شاب في حفلة نظمتها الجامعة .. و بعد فترة صار بينا تعارف على النت و قالي إنه نيته صالحة يبى يخطب لكنه متخرج توه و ما كان يشتغل .. أصر إنه يشتغل و يطلع أرض قبل لا يكلم أهله .. ما صار شي بينا غير محادثات على النت و أنا كنت استخير و استشير مستشارة نفسية و أسرية عن وضعي .. خبرت أختي بالموضوع و خلال فترة سنة و 6 شهور فاتح أهله و أنا كنت توني متخرجة .. هو سنه 22 داخل على 23 و بيكمل سنة يشتغل و طلع الأرض .. كان في معارضة من أهله في البداية بسبب صغر سنه لكن بعد فترة الأم كلمت أهلي و تفضلوا عنا البيت لكن حطوا شرط إنه العرس و الملجة بعد سنتين لأنه يشوفونه صغير و ما عنده بيت .. أهلي حبوا الولد ما عليه كلام ما اعترضوا عليه .. لكن بغوا ملجة خلال سنة و العرس بعد سنة و نصف .. أهله رفضوا و اصروا على موقفهم و أمه تقريباَ كلامها كان جاف و صارم و فيه نوع من الاستهزاء و اتشوف إنه ما فيه مانع يكلمني على التلفون عسب يتعرف أكثر خلال فترة السنتين .. أمه تفكيرها غربي .. مع العلم إني استشرت أناس لهم خبرة و استخرت .. أهلي رفضوا بسبب ردة فعل الأم و إنه هي مب مخليه ولدها يملج مع إنهم مقتدرين مالياً و في وجهة نظر أهلي ما في شي يمنع الملجة .. الولد زين ما عليه كلام محترم و أخلاقه حلوه ..
حبيت اذكر إنه أهلي يحسون أمه رافضة الزواج بس تمشي كلام ولدها عسب اتسكته و يوم نحن نهينا الموضوع ردت بسرعة و ما حاولت اتحل الإشكال اللي صاير ..
هل اعطيه فرصة ثانية إنه يتقدم و يحل الإشكال مع أهله و لا أنهي الموضوع نهائياً .. شو رايكم؟
السلام عليكم
أخواتي بغيت استشيركم في موضوع خطبتي .. و يا ريت اتشاركوني رايكم ..
قابلت شاب في حفلة نظمتها الجامعة .. و بعد فترة صار بينا تعارف على النت و قالي إنه نيته صالحة يبى يخطب لكنه متخرج توه و ما كان يشتغل .. أصر إنه يشتغل و يطلع أرض قبل لا يكلم أهله .. ما صار شي بينا غير محادثات على النت و أنا كنت استخير و استشير مستشارة نفسية و أسرية عن وضعي .. خبرت أختي بالموضوع و خلال فترة سنة و 6 شهور فاتح أهله و أنا كنت توني متخرجة .. هو سنه 22 داخل على 23 و بيكمل سنة يشتغل و طلع الأرض .. كان في معارضة من أهله في البداية بسبب صغر سنه لكن بعد فترة الأم كلمت أهلي و تفضلوا عنا البيت لكن حطوا شرط إنه العرس و الملجة بعد سنتين لأنه يشوفونه صغير و ما عنده بيت .. أهلي حبوا الولد ما عليه كلام ما اعترضوا عليه .. لكن بغوا ملجة خلال سنة و العرس بعد سنة و نصف .. أهله رفضوا و اصروا على موقفهم و أمه تقريباَ كلامها كان جاف و صارم و فيه نوع من الاستهزاء و اتشوف إنه ما فيه مانع يكلمني على التلفون عسب يتعرف أكثر خلال فترة السنتين .. أمه تفكيرها غربي .. مع العلم إني استشرت أناس لهم خبرة و استخرت .. أهلي رفضوا بسبب ردة فعل الأم و إنه هي مب مخليه ولدها يملج مع إنهم مقتدرين مالياً و في وجهة نظر أهلي ما في شي يمنع الملجة .. الولد زين ما عليه كلام محترم و أخلاقه حلوه ..
حبيت اذكر إنه أهلي يحسون أمه رافضة الزواج بس تمشي كلام ولدها عسب اتسكته و يوم نحن نهينا الموضوع ردت بسرعة و ما حاولت اتحل الإشكال اللي صاير ..
هل اعطيه فرصة ثانية إنه يتقدم و يحل الإشكال مع أهله و لا أنهي الموضوع نهائياً .. شو رايكم؟
