أول شئ السلام عليكم ورحمة الله وبركاته ….
أبغي حل لموضوعي إلي بتقرونة وجزاكم الله خير ….
أول شئ بنتي في KG2 وأول سنة لها في الروضة دخلتها على طول KG2 بس الأهم من جذي أنا دخلت بنتي المدرسة على شان بنت خالتها في المدرسة ويكونون في نفس الصف المهم أول أسبوع في الدوام كانوامع بعض في نفس الصف بعد مرور أسبوع أتصلوا المدرسة يبغون ينقلوهم صف ثاني عشان شو في طلاب كانوا دارسين العام الماضي في المدرسة بس ما أكدوا على إدارة المدرسة إنهم بيكملون في نفس المدرسة يعني لازم يحجزون كرسي في شهر ستة بس هم ما حجزو فبعد مرور أسبوع من الدراسة يو ودفعوا وأستلموا الكتب ونقلوا بنتي وبنت خالتها في صف ثاني بعد ما جلدنى الكتب وعيبهم الصف وأكتشفنى إنه الأطفال إلي دخلوا بدال إعيالنى من عايلة معروفة يعني فلان بن فلان بن فلان أكيد فهمتوني والمشكلة إتصلو وقالوا بيننقل بناتكم صف ثاني وإحنى ما وافقنى بس يوم الأحد يوم رحنى كانوا ناقليهم ومشكلة المدرسة مستوعبة واااايد أطفال تقريبا كل صف 28 27 26 يعني إذا تموا في صفهم الأول بيكون العدد30 طفل في الصف وهذى العدد واااايد بس عندهم مدرستين وااايد توب في الدراسة وكلنالهم إذا بطلعونهم من هذى الصف إحنى نبغي الصف الثاني ما وافقت مسؤولة القسم إتقول الصف إصغير ما يستوعب أكثر من 23 طفل إتعرفون ليش هذا الصف الوحيد عددة شوية أول شئ لأنه الصف صغير وولد المسؤولة في الصف ماتبغي إعيالنى يدخلون الصف عشان يستوي وايد مع أنه يستوعب طفلين بس القهر إحنى إعيالنى إمداومين من إسبوع المهم أخر شئ شو قالوا وحدة إتم في الصف القديم والثانية في الصف الجديد يوم سو هذي الحركة أنا أبد ما عيبتني هذي الحركة لأنه إحنى نبغيهم ويا بعض فقالوا خل إنقولهم جذي عشان لازم الأولى بتروح مع الثانية بس أنا وخالتي دخلناهم الصف القديم وقلناهم يوم ما عندكم مكان إشحكة تاخذون أطفال بس تبون إفلوس ما يهمكم كيف درسوا تموا يلفون ويدورون ما يعرفون شو يسون فقالوا إصبروا بس أنا إلحين ما أعرف شو أسوي لأنه الإكلاس إلي ناقليهم مب أوكي المس مالهم جديدة والأطفال كلهم جدد يعني مثل الكجي ون لو هم دامجين القدامى مع الجدد أحسن من هم إمسوين أحزاب بس صج عرفت إنه المدرسة هدفها مادي وأحس عمري ندمانه لأني دخلتها المدرسة هذي مع أنه مرة أخوي قالتلي جذي بس ما سمعت كلامها الصراحة المسؤولة في القسم وااايد إمعاندة وااايد إمسوية مشاكل في القسم ومدير المدرسة ما عنده راي لأنه سرناله وقال القرار بيد المسؤولة أنا أول مرة أشوف في حياتي مدير جذي بس الرسالة كانلها إسم بس إلحين بس هدفها مااادي وكم وحدة قالتلي جذي وأدعولي بأنه الله يوفقنه إن كان لنى حق بناخذة إنشاء الله …..
أول شئ السلام عليكم ورحمة الله وبركاته ….
أبغي حل لموضوعي إلي بتقرونة وجزاكم الله خير ….
أول شئ بنتي في KG2 وأول سنة لها في الروضة دخلتها على طول KG2 بس الأهم من جذي أنا دخلت بنتي المدرسة على شان بنت خالتها في المدرسة ويكونون في نفس الصف المهم أول أسبوع في الدوام كانوامع بعض في نفس الصف بعد مرور أسبوع أتصلوا المدرسة يبغون ينقلوهم صف ثاني عشان شو في طلاب كانوا دارسين العام الماضي في المدرسة بس ما أكدوا على إدارة المدرسة إنهم بيكملون في نفس المدرسة يعني لازم يحجزون كرسي في شهر ستة بس هم ما حجزو فبعد مرور أسبوع من الدراسة يو ودفعوا وأستلموا الكتب ونقلوا بنتي وبنت خالتها في صف ثاني بعد ما جلدنى الكتب وعيبهم الصف وأكتشفنى إنه الأطفال إلي دخلوا بدال إعيالنى من عايلة معروفة يعني فلان بن فلان بن فلان أكيد فهمتوني والمشكلة إتصلو وقالوا بيننقل بناتكم صف ثاني وإحنى ما وافقنى بس يوم الأحد يوم رحنى كانوا ناقليهم ومشكلة المدرسة مستوعبة واااايد أطفال تقريبا كل صف 28 27 26 يعني إذا تموا في صفهم الأول بيكون العدد30 طفل في الصف وهذى العدد واااايد بس عندهم مدرستين وااايد توب في الدراسة وكلنالهم إذا بطلعونهم من هذى الصف إحنى نبغي الصف الثاني ما وافقت مسؤولة القسم إتقول الصف إصغير ما يستوعب أكثر من 23 طفل إتعرفون ليش هذا الصف الوحيد عددة شوية أول شئ لأنه الصف صغير وولد المسؤولة في الصف ماتبغي إعيالنى يدخلون الصف عشان يستوي وايد مع أنه يستوعب طفلين بس القهر إحنى إعيالنى إمداومين من إسبوع المهم أخر شئ شو قالوا وحدة إتم في الصف القديم والثانية في الصف الجديد يوم سو هذي الحركة أنا أبد ما عيبتني هذي الحركة لأنه إحنى نبغيهم ويا بعض فقالوا خل إنقولهم جذي عشان لازم الأولى بتروح مع الثانية بس أنا وخالتي دخلناهم الصف القديم وقلناهم يوم ما عندكم مكان إشحكة تاخذون أطفال بس تبون إفلوس ما يهمكم كيف درسوا تموا يلفون ويدورون ما يعرفون شو يسون فقالوا إصبروا بس أنا إلحين ما أعرف شو أسوي لأنه الإكلاس إلي ناقليهم مب أوكي المس مالهم جديدة والأطفال كلهم جدد يعني مثل الكجي ون لو هم دامجين القدامى مع الجدد أحسن من هم إمسوين أحزاب بس صج عرفت إنه المدرسة هدفها مادي وأحس عمري ندمانه لأني دخلتها المدرسة هذي مع أنه مرة أخوي قالتلي جذي بس ما سمعت كلامها الصراحة المسؤولة في القسم وااايد إمعاندة وااايد إمسوية مشاكل في القسم ومدير المدرسة ما عنده راي لأنه سرناله وقال القرار بيد المسؤولة أنا أول مرة أشوف في حياتي مدير جذي بس الرسالة كانلها إسم بس إلحين بس هدفها مااادي وكم وحدة قالتلي جذي وأدعولي بأنه الله يوفقنه إن كان لنى حق بناخذة إنشاء الله …..
