مستلزمات العودة للمدارس حكومي ؟؟

شكراً مس بنك
انا اقصد الروضة الحكومية مب الخاصة كنت حاطة ولدي في اكاديمية زايد في نص السنة الاول عقب انتقلت العين وماقدرت احصل له مكان ينقلونه كله فل عقب ظروفي تغيرت ورجعت بوظبي وبحطه ان شاء الله روضة الاحسان وماعرف شو التجهيزات المطلوبة وما حب اتشرى على آخر لحظة حتى الملابس لين احين ماعرف

للاسف غلاي ما اعرف للحكومي السموحة منج
بس برفع لج الموضوع عل و عسى

مرحبا الغالية

انا ولدي بعد هالسنه kg2 كنت ناوية ادخلة خاص بس الظروف ماساعدت ف بيكمل في الحكومي

السنة اللي فاتت ماخليت شي ماخذته واخر شي كله تم في البيت

كانو يمنعون الياهل يشل شنطه .. بس مطارة الماي و ملف تدفعيلهم المبلغ اللي يطلبونه وهم يشترونه

يوفرون اكل للاطفال بس تدفعين كل فصل واذا ماحبيتي توفرين له لانش بوكس وتطرشين اكله معاه في شنطه صغيرة وخفيفه

اما الاشياء الثانية من قرطاسيات لاتاخذين مايحتاجونه الا اذا انتي تبينه يتسلى وتعلمينه في البيت

بالنسبة للملابس يوم بيداومون بيخبرونا .. السنه اللي طافت خذناهم من المقص الفني جاهزات