مستشفى دبي .في الميزان

اختي انا توني مربيه عندهم من 5 ايام والصراحه العنايه عجيبه ووايد يهتمون وخصوصا وقت الولاده
سواء الدكاترة او الممرضات
انا كل شيء عجبني عندهم وناويه اني ما اغير المستششفى حتى لو يعطوني الخاص ببلاش

حبيبتي مستشقى دبي زين لكن مش ممتاز….. عن تجربه

أسمعي قصتي واحكمي:

أنا في ولدي البكر ربيت عندهم……..كنت في الشهر السابع وكنت فاتحه ملف تقريبا من الشهر السادس وقبلها كنت بين فتره وفتره أراجع في عيادات خاصه وفي نفس الوقت ماأطوف مراجعات مستشفى دبي لأني بربي عندهم……….المهم كان عندي موعد في مستشفى دبي دخلت على الدكتوره وقالتلي كل شي أوكي وكنت في الشهر السابع……المهم عقبها بكم يوم قلت لازم اروح واكشف برع في العياده الخاصه عند دكتوره نهله (مع أني ماكنت اعاني من شي)

يوم رحت قالتلي الياهل متاخر نموه في بطنك والماي وايد قليل في المشيمه (طبعا بطلت اعيوني وتميت اصيح) قالتلي اخاف اقولك أتريي بشوفك عقب أسبوع عشان أشوف نمو الياهل وأيكون لاسمح الله مب زين بالنسبالك ..وسألتني وين بتربين قلتلها في مستشفى دبي قالتلي روحيلهم وقوليلهم اني قتلك هالكلام…قلتلها من كم يوم رايحه وقالولي كل شي اوكي …قاللتلي لازم أتروحيلهم

الصبح رحتلهم ودشيت الطواريء وقلتلها السالفه يوم فحصتني قالتلي كلام الدكتوره صح ….. واقول في خاطري يوم كلامها صح وين كنتو طول هالفتره معني مراجعتنكم……المهم سوولي عمليه قيصريه وربيت عندهم في نفس الوقت……الحمدالله العمليه كانت زينه وكل شي كان زين

فنصيحتي لك المراجعات أتراجعين برع لين الشهر السادس وبعدين تفتحين ملف عندهم حق الولاده وفي نفس الوقت لطوفين مراجعاتهم وبين فتره وفتره شيكي في العيادات الخاصه…….. وأنا حامل وهذا اللي بسويه حاليا

والسموحه على الإطاله