مدرسة كامبردج جيمس بوابة الشرق

السلام عليكم ورحمة الله وبركاته

بغيت اسال شو رايكم في هاي المدرسة

عيالي الثلاثة في هاي المدرسة ما اشوف ابدا انهم استفادوا شي
بس كل خميس يطرشون ايميل شو خذو بشكل عام

لا كتب ولا دفاتر ولا في شي ترجعين له عشان تدرسين الولد

واللي يضحكني اكثر مدرسات العربي والاسلامية والتربية الوطنية يعطونهم درس ويطوفونهم درس
واخر شي تكتب على الصفحات غايب
حتى صفحة اكتب ما يملى عليك حاطه علامة استفهام يمكن انا بملي الولد في البيت هههههه

مافي اي احد تقدرين تكلمينه المدرسه تقول هاي سياسة المدرسة كلميهم
اروح للمسؤولين مافي اي نتيجة

ممكن حد يفيدني اكلم حد عشان المدرسة لان حرام مستقبل يهال هذا

في حد عياله بهاي المدرسة يقدر يفيدني

ولكم جزيل الشكر