مدرسة المدار الدولية

بناتي في فرع العين انا اشوفهم من ناحية بناتي

يعني يرصون على الطالب

مافي واجبات لين الصف الرابع يكون الحل في حصة الدايري (الحصه الاخيره )

يعلمونهم الاعتماد على النفس في الحل

دراستهم اصعب من الشويفات منهج امريكي لكن في مواد ثانيه مضافه

نفسية بناتي ولك الحمد الحمدلله لدى الطالب خصوصيه تامه

يعني لاتي ربيعتج تسأل ولاحتى خالته تقدر تتواصل معاهم

يعني خصوصيه تامه

المدرسه فيها وسيفتي … وايد عندهم الادب فوق كل شي ..

. المقصف اكله نظيف وكل فتره يغيرون الوجبات

في دين … ووقت للصلاه … ويعلمونهم الاحاديت والايات …

والمسيح في حصة الدين يسيرون لحصة الفرنسي

فيها جنسيات مختلفه … اكثر شي الاجانب لمدى قوة التدريس اللي عندهم

الطالب لما يتخرج اتكون عنده يا شهادت الايلز او التوفل وشهادتين ما اذكر اسماميهن

يعني لما يروح الجامعه مايكون محتاج للسنه الاولى على طول تخصص باذن الله

الطالب اللي في الاعدادي لازم يكون عنده ويب سايت لنفسه … مثل الامتحان يكون له

حتى اللي في المراحل الاولى اتكون عندهم خبرات بسيطه في الكومبيوتر

تقناياتهم عاليه الصراحه ….

الطالب اللي يحسونه ضعيف يطلعونه ويخلونه في صف (الاسبيشل )

يعني دراسه مكثفه عادي يستمر بها الشي

ويطلع كل سنه لصف يديد يعني يهتمون للطالب نفسه لين مايطلع الصف العادي

عندهم كل اربعاء bp يوم رياضي فاللي يحب يشارك يقعد لين الساعه 3

واللي مو حاب يطلع الساعه 1 ونص

اسعارها غاليه شكل الشويفات

لكن مايرفعون اسعارهم ثابته

نظامهم 3 كورسات وبين كل كورس اجازه وقبل الاجازه امتحانات

مديرها كان مستر حسان لكن رقوه لشي في التعليم العالي لكنه موجود في المدرسه

المدير الاساسي بريطاني وكل يوم اتشوفونه الصبح مثل الحارس عند الباب … وفيه بابين باب للكبار من الصف الثالث وفوق

وباب للكيجي والصف الاول والثاني …

بناتي يسيرن بالسياره لكن بالنسبه للباص الفكره اللي عندي من كلام الامهات نظيف وفيه مشرفه

عادي اتشوفين البنات يايين البيت راسمين وجوهم …. تحفيز او بنتج لابسه تاج … يرفعون معنويات الطالب

سلبياتها …..اللي ماعجبت البعض

مانشوف المعلمات ولانتواصل وياهم كله مع السوبرفايزر

والمعالجه النفسيه …. هذا اللي عيبني لو سلبي

احتفالاتهم …. لهم فقط الاهالي مايشاركون وايد

لازم مواعيد مو اي وقت اتشوفون المسؤله

عادي موعدج يكون عقب اسبوع او اكثر

كم اسعارهم للصف الثالث؟