محتارة بين الوطن والاهل والغربه

هلا بنات وحريم شخباركم انا من فترة اريد انزل مشكلتي بس كل مرة اتردد
بس خلاص ما قادره اريد حل وقلت ماشي غيركم بيساعدني

قصتي طويله بس بختصرها

متقدمين لي شابين وانا محتاره امبينهم >>ليش ؟؟

الاول
من الاهل ..بس هو في دوله خليجيه ( سعودي ) اخلاق ما شا الله عليه و جامعي وموظف ووظيفه زينه بالنسبة للمكان الي هو فيه
ونحن من يوم صغار كنه وايد زيارات معاهم ويعني بينه حب كان عن طريق خواته ..الحين المشكله وين ؟

مشكله لازم اروح اسكن في السعودية
هو ساكن في منطقه بعيده عن اهله عشان شغله منطقه شوي نائيه
والاهم انه اهله سمعتهم ابد مب زينه يعني خوانه مال سجون وابوه وامه وخواته مال مشاكل ( الله يستر عليهم يا رب )
اهلي رافضين الفكرة بس قالو نحن ما نريد نغصب على شي وهذا قرارج

الثاني :
ولد ييرانه ما كنت اعرف عنه شي بس صليت الاستخاره وكل الامور الي استفسرت عنها طلعن اوكي
بالنسبة لصلاته وسفرات وعلاقته مع اهله وهالامور كلها اوكي
واهله سمعتهم الحمدلله وايد زينه

المشكله :
ما املكله اي مشاعر حب يعني عادي
والاهم الاهم انه في عرق ( بس من صوب امه )
بس اهلي مب من النوع الي يميزون عادي

هاي مشكلتي بالضبط ؟

الحين مب عارفه اخاف اقبل الاول واروح حسب قلبي واظلم نفسي وما اقدر اتحمل العيشة اهناك لان ظروفهم واحوالهم المادية غير عن احوالنه
ما اريد اخلي بلادي واهلي ..واظلم عيالي مستقبلا
اقول كيف بربي فيهم حب الوطن وانا ما اعرف شي كيف بعلمهم عونك يا وطن >> متفيجه صح
يمكن تضحكون بس انا اقيسها من هالناحيه ..بس اقول وين بلاقي في هالزمن واحد مثله ومثل اخلاقه ويحبني وشاريني

والثاني بعد زين بس بعد اخاف اظلم عيالي >> انتو فاهمين علي ما اريد حد يطلع اسمر وحد ابيض باجر يتعقدون
اخاف يكون هذا مظهره خارجيا انه زين وبعدين اتوهق ويطلع يعرف بنات وهالسوالف >> وحده متعقده من شبابنه

اعرف بتقولون لي صلي الاستخاره ..اريدكم لو كنتو مكاني شو بتختارون وشو الافضل ؟