متوهقه ماعرف شي عن استراليا حق الخبيرات اللي شابرينها

هلا حبيبتي هذا كان جوابي لسؤال عن استراليا

المشاركة الأصلية كتبت بواسطة ريشة

هلا حبيبتي

استراليا قارة كبيرة ومقسمة لولايات كثيرة منها
نيو ساوث ويلز اللي فيها سيدني
كوينز لاند اللي فيها الغولد كوست
وفيكتوريا اللي فيها ملبورن
وهم أهم 3 مناطق

رحلتي كانت في 2018 فعذرني إذا نسيت بعض الأسماء

أول شي بالنسبة لسيدني
هي أكثر مدينة حبيتها
تتميز سيدني بعماراتها المرتفعة المطله على البحر
تحسين لها طابع غير عن باقي مدن العالم واللي يميزها
جسر سيدني الشهير وطبعا الأوبرا هاوس وطيور النورس بأعدادهم الكبيرة أحلى وقت عندي كان وقت الغروب المنظر يصير في قمة الروعة
هالمكانين لازم تشوفينهم وبيكونون قريبين من بعض
في رحلات خاصة لتسلق الجسر تجربة مخيفة بس فريدة من نوعها وعلى فكرة آمنه جدا
عند الأوبرا هاوس مطاعم وكوفي شوبس عندهم شندويشات وسلطات من الذ مايكون اتذكر في كوفي شوب اسمه 14 degreesأو شي من هالقبيل كان اكله لذيذ وقعدته حلوة
للتنقل انصحج أما المشي لو كانت المناطق قريبة أو الباص الأحمر الجميل Sydney explorer يبتدي من منطقة Circular Quay
سيركولار كي في انواع متعددة من التذاكر اخذي التذكرة على حسب مدة اقامتج في سيدني راح يلف الباص على 26 معلم من المعالم المهمة في سيدني
أول يوم انصحج تركبينه
الباص مكيف وكل ماتوصلين معلم يخبرج التفاصيل عنه طبعا شريط مسجل يعني هذي أول وأحسن طريقة لرؤية معالم المدينة
المنطقة الثانية المشهورة والحلوة هي منطقة Darling Harbor
مكان يجنن يتميز بالأعلام الملونة والشوبينغ مول ويمر الميترو من فوق
المنطقة بعد ساحلية وفيها سفن ويخوت واااااااايد حلوة في النهار وفي الليل
وتعالي شوفي المطاعم اللي هناك اووووو انا اظن ان سيدني المفروض يمسونها ديرة الأكل اللذيذ
جنبه في الأكويريام حوض الأسماك من اكبر واحلى الأحواض في العالم
وهناك بتشوفين نيمو ورباعته تذكرين طبعا الكارتون نيمو هذا النوع من السمك يعيش في البارير ريف في استراليا وفي انواع من أسماك القرش المكان ممتع جدا
في ال سكاي تاور برج عالي ممكن تصعدينه وتشوفين سيدني من فوق المنظر ولا أحلى وجنبه في شوبينغ مول اسمه كوين فيكتوريا هو مثل المبنى على الطراز القديم بس داخله كله محلات.
حلو بعد تاخذين كروز السفن الصغيرة تمرين على سيدني من البحر
اقترحCaptain Cook Cruises
نرجع للأكل في مكان اسمه سنتر بويت فود كورت أظن شي جذي بصراحة مب متذكرة يمكن هذا أكبر فود كورت شفته في حياتي ولا تنسين تجربين الشراب المميز BOOST
الفندق اقترح فور سيسونس
وفي بعد China Town
وجنبه سوق كبييييييييير يفتح في الويك اند طبعا معظم اللي يبيعون صينيين وفيه كل انواع السوفانيرز وكل شي يخطر على بالج يعني سوق رخيص جدا

خلصنا من سيدني

نروح الغولد كوست
احنا خذنا كروز Superstar leo
من سيدني لي برزبن 3 أيام هي نفس الشركة اللي في far east
كانت الرحلة بس للأستراليين بس احنا حصلناها بالواسطة احنا العرب الوحيدين اللي كنا على السفينة خخخخخخخخخخخخ
انتي ممكن تحجزين طيران كوانتس الإسترالي للرحلة الداخلية
المهم بالنسبة للغولد كوست انا ماحبيت المكان وايد بصراحة أولا لأني شبعانه من البحر والسواحل المنطقة ساحلية وكلها عمارات وبنايات وثانيا لأن شوي الناس هناك من غير هدوم خخخخخخخخخخ
أهم المناطق هي Surfers paradise
للشوبينغ وفي الليل كان في معرض للصناعات اليدوية على الساحل يكون واااااااااااااااايد وايد حلوة صناعاتهم لازم تشترين لأنها قطع هاند ميد وماراح تتكرر
Broadbeachعندج بعد في الفنادق الراقية والمطاعم
اقترح فندق الماريوت
طبعا الشاطئ كله ناس يسوون سيرفينغ مراقبتهم ممتعة

الصغار راح يستمتعون في الغولد كوست عندج الأماكن التالية:
Dream world
مدينة ملاهي وأحلى شي في المكان انج تقدرين تشوفين الكنغر والكوالا وتصورين معهم
Sea world
مثل وايلد وادي دبي كله ألعاب مائية يصلح للصغار
Warner Brothers Movie World
أكثر واحد عجبني يشبه ديزني لاند شوي فيه ألعاب وعروض وايد حلوة للصغار في الشخصيات مثل باغز باني ودافي داك وتويتي وثلفثتر خخخخخخ
وايد مسلي المكان ويسوون استعراضات ومسيرات حلوة Parades

ننتقل لملبورن
ملبورن مدينة تتميز بالطابع القديم كأنها مدينة من أوروبا مثل مايسموه البروك دزاين
غير تماما عن سيدني وغولد كوست
اللي يميز ملبورن نهر اليارا Yarra river ممكن تاخذين رحلة نهرية جميلة
الشوارع حلوة في الليل والنهار
يمكن أكثر مكان في ناس شفته في استراليا ماشاء الله أمم
الفندق اقترح Crown Towers Hotel
الفندق يهبل ومدخله فيه عرض ناري يشتغل كل ساعة أو كل نص ساعة المهم هو له علاقة بالساعة خخخخخخخخخ
وفي نافورة حلوة وايد غريبة الفندق واااااايد حلو وعلى مستوى
وفيه شوبينغ مول ومطاعم في نفس الفندق

Federation Square اللي هو سنتر ملبورن
كان فيه عرض للأزياء المبتكرة طبعا ببلاش بس قعدي وتفرجي كل فترة يكون عندهم عرض مختلف
للصغار:
Planetarium وفي نفس الوقت في عرض للأفلام 3D
وفي المتحف العلمي هذا انا وانا كبيرة استانست عليه وااااااااااايد مفيد كله تجارب واختراعات بطريقة علمية ومبسطة للطفل هذا شي لازم تزوره

الكل يقول ان استراليا غالية هي فعلا غالية بس مش أغلى من أوروبا
لاتفوتين أحجار ال Opal
في عندهم تشكيلة حلوة من المجوهرات اللي مصنوعة من هالحجر الأزرق المخضر اللي تتميز فيه استراليا
وبعد لا تفوتج شغلات السكان الأصليين ( الأبروجونيز) رسمهم حلو ومميز كله من النقط المتقاربة والملونة وفي عندهم آلة موسيقية نسيت اسمها بس هي مثل القرن الطوييييييييييييييييل ويطلع أصوات غريبة وعجيبة
للأسف حبيبي الصور ماعندي الحين على اللاب توب بس ممكن تاخذين الأسماء اللي حطيتها لج وتسوين بحث في الغوغل
سوري ادري وايد طولت بس حبيت أعطيج المعلومات الكاملة
رحلة سعيدة مقدما
اي استفسار انا حاضرة

فديتج يا ريشه كفيتي ووفيتي .. الصراحه رووووعه .. كم يوم تنصحييييييييييييييييييين بها ؟؟ شجعتيني عليهااااااااااا خويتي .. و أتحمست زياااااااااااااده ..

المشاركة الأصلية كتبت بواسطة Baby22

هلا الغاليه….
بالنسبة لاستراليا المدة مب اقل من 3 اسابيع
اولا:سيري سدني المدينة وايد حلوه و تكفي 6 ايام او اسبوع…بالنسبة للفندق انا كنت ساكنه بالماريوت على ايامها لاني كنت هناك من 13 سنه …وممكن في فنادق احلا احين…
ثانيا:سيري جولد كوست و تكفي 10 ايام الى 14 يوم…و سكني في منطقة سيرفيز بارادايس…وهل منطقه فيها شقق فندقيه…لو تبين مكان نضيف و على البحر عندج شقق مروكان…وعندج شيفرون…
اما الاماكن السياحية لو معاج صغارية او سايرين كعائلة وايد بتستانسون…عندج يوم اتسيرين الباص المائي و يوم الموفي وورد فيها جميع الشخصيات الكرتونية روعه…ويوم الدريم وورد فيها الالعاب و التصوير مع الكوالا و الكنغر …والسي وورد كل شي كن البحر و الاسماك وفيها العاب… وعندج اتسيرين رحلة صوب الجبل و يوم توصليت هناك الطيور اييون ييلسون على راسج واايد حلو…وعندج يوم اتسيرين بريسبين من الصبح لي فلليل اتشوفين سناترهه لان مدينة….اما في جولد كوست عنهم سنترين الباسيفيك فير و المارينا…
واتمنى انج خذت فكره عن استراليا…و لو عندج اي سؤال انا حاضره…وعلى فكره انا بعد سايره استراليا في شهر 7 ان شاء الله

مشكووووووووووره غناتي .. ههههههههه يمكن انكون ع نفس الطياره خويتي ..