متعلق بالمواضيع اللي معترضين عليها التجريح في الردود

مرحبا الساع…

مممممم مووب عارفه كييف ابدا موضوعي لاني متوقعه تييني ردوود صوااريخ جوجو وارض جو انا قبل ما اسجل كنت اتابع القسم كل يووم يمكن تنعرض مشكله نفس مشكلتي واستفيد من ردود البنات على راعية المشكلة وكنت واايد اتضايج من الردود اللي تغلط علىالبنت وشرف البنت ومن الردود يمكن ارتحت ل بنتين والله العظيم انهم قمة في الاحترام والنصيحه اللي تطلع منهم تطلع من قلبهم واللي شجعني اسجل هن هالبنتين خاصه ان صديقتي كانت عندها مشكله مع زوجها وعرضت مشكلتها على وحده من البنات اللي اتكلم عنهن بس موب في العام لا على الخاص ولانها حصلت الرد اللي مايقلل من قيمتها ولا يسلبها احترامها قلت اسجل واراسل البنت وصار سجلت وطرشت مشكلتي لها اول وردت علي وانا كنت واايد خايفه انها تظن فيني مثل ماظنوا البنات في غيري
وكنت حاطه ايدي على قلبي لاني حساسه ومن بيت محترم لكن الانسان مب ملاك لازم يخطأ حتى لو بدون قصد. لكن الحمدلله هالبنت بدت ردها بابتسامه ( ) تصورت شكلها وهي تطالعني وتبتسم لي يالله شو كثر فرحت لانها حسستني اني مثل بنتها والله اني من كثر الخوف كنت اسمع دقات قلبي وكانه بينجلع من مكانه ما ابالغ لاني حساسه وااااااايد وما اتحمل كلمة تجرحني ومحتاجه رد يريحني ويعلمني شو اسوي بالضبط

البنت ردت علي بكلمتين مع ابتسامه كان هذا اول الردود . قالت لي عزيزتي اللي تسوينه حرام مع اني ماكنت اعرف ان هالشي حرام لاني بس اتكلم معاه بالتلفون والتشاتنج والحرام اللي اعرفه هو لما اطلع معاه او يلمسني او من هالكلام.. مفهوميتي بسيطه ومثل ماقالت احتاج اني اتفقه اكثر في ديني واعرف اميز بين الاثنين انا استغربت من ردها ولكن لانها كانت محترمه معاي وتثبت لي كلامها بدليل من القران حسيت بغلطتي وندمت وعرفت اميز الصح من الغلط عرفت ان حتى مجرد اني اتكلم مع شخص غريب باسم الحب حتى لو كان الموضوع اللي نتكلم عنه مافي شي يعتبر حرام

اللي ابا اوصله ان في بنات لليوم صدق صدق صدق صدق مايعرفون شو الحلال وشو الحرام والردود اللي تغلط وتسب وتشتم وتنسب كلمات وتطعن في شرفها تخلي الواحد يكره حياته ويتخربط الفكر لان اللي تفهم وتعرف اكيد بيكون اسلوبها في النصح غير

لاتظلمون في ردودكم يا بنات ماتعرفون الاسباب اللي خلت وحده مثلي او غيري انها تلجا لكم

يمكن ماعندها حد ينصحها ولا عندها حد تثق فيه بدون ماتتعاقب اذا اللي مثلي محتاجين نصيحه والا توجيه ليش تعاقبونهم وتسبونهم واتخلونهم يندمون على اليوم اللي فكروا يكتبون مشكلتهم

الحمدلله الانسانه اللي خبرتكم عنها عطتني وايد مقترحات اتخليني انسى الحب وما اشغل بالي فيه الى يوم اكون فيه مستعده للزواج

وهي مستعده تعلمني بعض الاشغال اليدويه اللي تعرفها عشاااان اقضي بهم وقتي لاني فااضيه لا شغل ولا مشغله ولا حت دراسه واحسن شي انها من نفس امارتي

والله العظيم في شريحه مظلومه لاتظلمونها اكثر بردودكم اللي تغث

واتمنى ماينحذف موضوعي الا بعد ماتوصل رسالتي ياليت ياليت ياليت تسمعون صوتنا وتغيرون طريقة ردودكم على راعية المشكله