السلام عليكم
خوااتي بغيتكم اتساعدوني
أنا عندي إختي ما عندي غيرها لأنه نحن 4 بس ولدين وبنتين
وهااي إختي أصغر وحده و فرق بيني وبينها 5 سنوات وهي عمرها 14 وداخله ع 15
بتشوفون إنه عمرها صغير لكن عقلها كبيييير وااايد و أحب استشيرها و أناقشها لأنه من طبعها تحب الحواار واااايد و أنا أحبها واااايد لانه إختي الوحيده ومالي غيرها
بس وين المشكلة
المشكلة إنها عنييييييده من الدرجة الأولى و ما تحب تسمع كلامي حتى لو بحرف وااحد
مثلاً أمس كنا عازمين خالاتي عالفطور و انا كان دوامي أمس في الجامعة واايد ضغط لأنه أبد ما كان عندي بريك في هاليوم يعني من ساعه 8 لين 12 ونص متواصل ( دوامنا في رمضان لو غير رمضان بيكون من 8 لين 2 متواصل ) و على طول رديت البيت و رحت أساعد الوالده في مطبخ عشان العزيمة و إختي قاعده ما سوت شي وااحد بس قامت و سبحت وعلى طول نامت و ما تكلمت أبداً … المهم يلست أشتغل ويا الوالده لين الساعه 5 هي قامت وقعدت في صالة و هي كانت بعد عافسه غرفتنا يعني ما راده أي شي مكانه وقلت لها يا فلانه يا فلانة ( يمكن ناديتها حوالي 7 مرات حتى ما طلعتني ولا ردت علي لين ما زينيت عليها من كثر ما أنادي اسمها ) ردت علي و هي مالها خلق لي تقولي شووووووووووو .. قلت لها قومي رتبي المكان إلي إنتي قاعده فيه و شيلي إلي مستونه في الغرفه .. ردت علي أونه زين زين … قلت لها بسرعه .. و تقعد تأفف وما سوت شي وهي اطالع التلفزيون … والله يا خواتي إنه ما تحركت ولا شبر من مكانها إلا لما دخلت أمي على طوول قاامت تعدل المخدات الموجوده في صالة و قالت لي أمي إني أرتب غرفتنا قلت لها يمه هي إلي مسويه هذا كله مب أنا خاليها تقووم من ذيج سااعه هي قاعده ( من الحره إلي فيني على طريقة الرد إلي ردتها علي إختي ) بعدين قالت لها أمي .. إنزين هذا موقف
الموقف إلي صار في نفس اليوم
إنه أنا منبهه على بنت خالتي إنها ما تمس صوب مكياجي أبد قالت أوكيه .. رحت و بعد فتره دخلت غرفتنا ما أشووف إلي إنهم عافسين الغرفه و لاعبين بنعولي و متعبثين بروجااات و رحت عصبت عليهن ( ع فكره هي بعمر إختي بعد ) لأنهم كانوا بعدكم وحده وأصغر شوي منها.. وراحت إختي شو قالت أونه إنتي ليش تعصبين عليهم شو فيها خليهم و إنتي ما تستعملين مكياجج .. قلت لها كيفي أغراضي ما اسمح أي حد يتعبث فيه .. يعني تبي تحاول تبين إني مكبره الموضوع .. و بعدين يوم كنا قاعدين في صالة و شفت اليهال قاعدين يلعبون بالكرسي بدفااشه و إختي كانت قاعده عدالي كنت أكلم نفسي أقول أوويه خوفي لا يكسرون الكرسي هي شو قالت إنتي اشفيج كله تعصبين و ما يعجبج شي .. أنا قلت لها اشفيج كلمتج قلت لج يا فلانه تكلمي و يلست ترادد تقولي هيه هيه …
أنا اليووم بكبرته كنت شايله عليها و ما ودي إني أكلمها كنت فعلاً
مشكلة إختي إنها من نووع يوم تبي تكون كبيره ع الكل بتصير و يوم تبي تكون صغيره تصير
أنا و إختي من نوع إلي انفضفض لي بعض
بس لاحظت عليها إنه تحسسني إني وااااااااااايد حساسه
مثلاُ قلت لها ليش يقولي جذي ليش أانا في عيب ولا شنو … تيلس تقولي يااااااااااااااه إنتي واايد مكبره الموضوع و ااايد حساسه .. أنا أقول لها بس أسألج أنا مب مضايجه بس حبيت أسألج
حتى أمي ساعات تحسسني إني وااايد حساسه
أحس إني صرت ما أقدر أقول لهم عن أي شي في خااطري .. حتى لو سؤال عن شي أنا سمعته ( مثلاً أشووف إذا صح هالشي فيني ولا )
حتى آخر فتره من العزيمة لما راحوا أمي لاحظت علي إني متضاايجة واايد
حتى كالعاده ع الساعه 12 خلاص أنا و إختي عندها في غرفتها نقعد إنطالع تلفزيون وبعدها نسير غرفتنا
لكن هالمره ما قعدت على طوول سرت غرفتي و سألتني أمي قلت لها ما فيني شي .. لأني صج حااس بضيج .. وما ودي إني أكلم أمي في الموضوع لأني بتقول إني بكبره السالفه( و نحن كم مره بتكلمين فيه لكن بدون فايده) .. و حتى لو كنت صاجه إمي بتكلم إختي إنه لازم يكون فيه احترام .. لكن إختي إدخل من إذونها واطلعها على طوول
لأنه إختي من نووع إذا طلبت منها شي خسي إتسويها لي حتى لو كاان بسيط .. بس لو مصالح بتسوي
مثلاً لو تبي لابي تقولي بسوي لج أي شي .. أنا ما أحب جذي يعني ما أحب أكون مذله أبد .. وهي بعد من نووع المذله وااااااااااااااااااااايد
إختي ساعات إتعبني نفسياً الصراحه .. أحسها ما تحب إلا عمرها
حتى في مره أمي كانت تسولف ويانا فكانت أمي تبي تعرف إختي شو بالنسبة لي .. قلت لها جدامها يمه إختي هي كل شي بالنسبة لي و هي إختي الوحيدة إلي مالي غيرها صح الفرق إلي بيني وبينها كبير لكن عقلها كبير و هي صديقتي لمقربة أقدر ألجأ لها في وقت ضيج و غيرها من الكلام .. لما أمي سألتها هي .. هي سكت قالت لها شو أقول مثل كأنها استحت وما عندها كلام تقوله قالت حق أمي نفس شي بس .. وأمي قالت لها شفتي إختج كيف عبرت عن مشاعرها و إنتي لا .. وأنا الكلام إلي أقووله أعنييه مب جذي بس كلام فاضي ..
ساامحوني خوواتي طولت عليكم وااايد
بس قلت لازم أطلع إلي فخاطري لكم
وألقى الحل المناسب عندكم ( لا تقولون حقي رمسيها لأني جم مررره يمكن مليون مره رمستها بها الموضوع لكن هي ولا عالباال نفس الأسلووب و ما تبي تحس أونها خدامه عندنا و هالشي ما يعتبر خدم)
ردي لبعض خواتي ( ربي يجزيكم كل خير و يعطيكم ألف عافيه .. وخاصة لازورد^^ )
لے جاذبيـــﮧ
إختي شفتي عااد .. هي أمي مدلعتنها وااايد … قلتيها مزاجية و يوم يبون شي خلاص ما يسكتون
هبڷهـ ۈ تهبل
هي فعلاً ما تحب تظهر لأي شخص إلي بداخلها .. تدرين إني قلت لها جذي اليوم تدرين شو قالت :: انزين شو أسوي لج يعني .. قلت لها شو صاير فيج تعامليني غير و أمي غير تقولي قلتيها بنفسج .. إنتي غير و أمي غير .. ولا حزت في نفسي واايد .. وأبد ما حست بأي ذنب وما اهتمت ..
مينا القلب
ما توقع إني أكلم وحده من إربيعتها راح يكون الحل زين .. لانه مب حلو إني أدخلهم صح ؟؟
آمين يارب ويااج حبوبه
دلع
إن شاء الله يالغالية .. ع فكره هي رمستني من فتره وقالت لي إنها ما تتخيل إني أعرس و أخليها رووحها ..يلست تقولي إنها راح تتضايج و تصيح ( أنا استانست لأني حسيت إني لها مكانه بقلبها ) بس تدرين هي أغلب أسلوبها جذي مثل ما قلت …
لازورد
مشكووووره حبوبه أحسج خففتي علي وااااااااااااااااااااايد ^^ .. و إن شاء الله راح أرد عليج وراح أسوي إلي قلتي عليه .. يمكن تحس ولا شي .. ربي يجزيج الفردوس الأعلى ^^
الأصالة
إختي أنا أبد إذا بطلب منها شي ما اطلبه منها ع أساس إنه أمر ..بالعكس أقول لها حبيبتي إنتي أو أدلعها بإسمها ..لكن نفس شي حتى لو أمي نفس شي
السلام عليكم
خوااتي بغيتكم اتساعدوني
أنا عندي إختي ما عندي غيرها لأنه نحن 4 بس ولدين وبنتين
وهااي إختي أصغر وحده و فرق بيني وبينها 5 سنوات وهي عمرها 14 وداخله ع 15
بتشوفون إنه عمرها صغير لكن عقلها كبيييير وااايد و أحب استشيرها و أناقشها لأنه من طبعها تحب الحواار واااايد و أنا أحبها واااايد لانه إختي الوحيده ومالي غيرها
بس وين المشكلة
المشكلة إنها عنييييييده من الدرجة الأولى و ما تحب تسمع كلامي حتى لو بحرف وااحد
مثلاً أمس كنا عازمين خالاتي عالفطور و انا كان دوامي أمس في الجامعة واايد ضغط لأنه أبد ما كان عندي بريك في هاليوم يعني من ساعه 8 لين 12 ونص متواصل ( دوامنا في رمضان لو غير رمضان بيكون من 8 لين 2 متواصل ) و على طول رديت البيت و رحت أساعد الوالده في مطبخ عشان العزيمة و إختي قاعده ما سوت شي وااحد بس قامت و سبحت وعلى طول نامت و ما تكلمت أبداً … المهم يلست أشتغل ويا الوالده لين الساعه 5 هي قامت وقعدت في صالة و هي كانت بعد عافسه غرفتنا يعني ما راده أي شي مكانه وقلت لها يا فلانه يا فلانة ( يمكن ناديتها حوالي 7 مرات حتى ما طلعتني ولا ردت علي لين ما زينيت عليها من كثر ما أنادي اسمها ) ردت علي و هي مالها خلق لي تقولي شووووووووووو .. قلت لها قومي رتبي المكان إلي إنتي قاعده فيه و شيلي إلي مستونه في الغرفه .. ردت علي أونه زين زين … قلت لها بسرعه .. و تقعد تأفف وما سوت شي وهي اطالع التلفزيون … والله يا خواتي إنه ما تحركت ولا شبر من مكانها إلا لما دخلت أمي على طوول قاامت تعدل المخدات الموجوده في صالة و قالت لي أمي إني أرتب غرفتنا قلت لها يمه هي إلي مسويه هذا كله مب أنا خاليها تقووم من ذيج سااعه هي قاعده ( من الحره إلي فيني على طريقة الرد إلي ردتها علي إختي ) بعدين قالت لها أمي .. إنزين هذا موقف
الموقف إلي صار في نفس اليوم
إنه أنا منبهه على بنت خالتي إنها ما تمس صوب مكياجي أبد قالت أوكيه .. رحت و بعد فتره دخلت غرفتنا ما أشووف إلي إنهم عافسين الغرفه و لاعبين بنعولي و متعبثين بروجااات و رحت عصبت عليهن ( ع فكره هي بعمر إختي بعد ) لأنهم كانوا بعدكم وحده وأصغر شوي منها.. وراحت إختي شو قالت أونه إنتي ليش تعصبين عليهم شو فيها خليهم و إنتي ما تستعملين مكياجج .. قلت لها كيفي أغراضي ما اسمح أي حد يتعبث فيه .. يعني تبي تحاول تبين إني مكبره الموضوع .. و بعدين يوم كنا قاعدين في صالة و شفت اليهال قاعدين يلعبون بالكرسي بدفااشه و إختي كانت قاعده عدالي كنت أكلم نفسي أقول أوويه خوفي لا يكسرون الكرسي هي شو قالت إنتي اشفيج كله تعصبين و ما يعجبج شي .. أنا قلت لها اشفيج كلمتج قلت لج يا فلانه تكلمي و يلست ترادد تقولي هيه هيه …
أنا اليووم بكبرته كنت شايله عليها و ما ودي إني أكلمها كنت فعلاً
مشكلة إختي إنها من نووع يوم تبي تكون كبيره ع الكل بتصير و يوم تبي تكون صغيره تصير
أنا و إختي من نوع إلي انفضفض لي بعض
بس لاحظت عليها إنه تحسسني إني وااااااااااايد حساسه
مثلاُ قلت لها ليش يقولي جذي ليش أانا في عيب ولا شنو … تيلس تقولي يااااااااااااااه إنتي واايد مكبره الموضوع و ااايد حساسه .. أنا أقول لها بس أسألج أنا مب مضايجه بس حبيت أسألج
حتى أمي ساعات تحسسني إني وااايد حساسه
أحس إني صرت ما أقدر أقول لهم عن أي شي في خااطري .. حتى لو سؤال عن شي أنا سمعته ( مثلاً أشووف إذا صح هالشي فيني ولا )
حتى آخر فتره من العزيمة لما راحوا أمي لاحظت علي إني متضاايجة واايد
حتى كالعاده ع الساعه 12 خلاص أنا و إختي عندها في غرفتها نقعد إنطالع تلفزيون وبعدها نسير غرفتنا
لكن هالمره ما قعدت على طوول سرت غرفتي و سألتني أمي قلت لها ما فيني شي .. لأني صج حااس بضيج .. وما ودي إني أكلم أمي في الموضوع لأني بتقول إني بكبره السالفه( و نحن كم مره بتكلمين فيه لكن بدون فايده) .. و حتى لو كنت صاجه إمي بتكلم إختي إنه لازم يكون فيه احترام .. لكن إختي إدخل من إذونها واطلعها على طوول
لأنه إختي من نووع إذا طلبت منها شي خسي إتسويها لي حتى لو كاان بسيط .. بس لو مصالح بتسوي
مثلاً لو تبي لابي تقولي بسوي لج أي شي .. أنا ما أحب جذي يعني ما أحب أكون مذله أبد .. وهي بعد من نووع المذله وااااااااااااااااااااايد
إختي ساعات إتعبني نفسياً الصراحه .. أحسها ما تحب إلا عمرها
حتى في مره أمي كانت تسولف ويانا فكانت أمي تبي تعرف إختي شو بالنسبة لي .. قلت لها جدامها يمه إختي هي كل شي بالنسبة لي و هي إختي الوحيدة إلي مالي غيرها صح الفرق إلي بيني وبينها كبير لكن عقلها كبير و هي صديقتي لمقربة أقدر ألجأ لها في وقت ضيج و غيرها من الكلام .. لما أمي سألتها هي .. هي سكت قالت لها شو أقول مثل كأنها استحت وما عندها كلام تقوله قالت حق أمي نفس شي بس .. وأمي قالت لها شفتي إختج كيف عبرت عن مشاعرها و إنتي لا .. وأنا الكلام إلي أقووله أعنييه مب جذي بس كلام فاضي ..
ساامحوني خوواتي طولت عليكم وااايد
بس قلت لازم أطلع إلي فخاطري لكم
وألقى الحل المناسب عندكم ( لا تقولون حقي رمسيها لأني جم مررره يمكن مليون مره رمستها بها الموضوع لكن هي ولا عالباال نفس الأسلووب و ما تبي تحس أونها خدامه عندنا و هالشي ما يعتبر خدم)
ردي لبعض خواتي ( ربي يجزيكم كل خير و يعطيكم ألف عافيه .. وخاصة لازورد^^ )
لے جاذبيـــﮧ
إختي شفتي عااد .. هي أمي مدلعتنها وااايد … قلتيها مزاجية و يوم يبون شي خلاص ما يسكتون
هبڷهـ ۈ تهبل
هي فعلاً ما تحب تظهر لأي شخص إلي بداخلها .. تدرين إني قلت لها جذي اليوم تدرين شو قالت :: انزين شو أسوي لج يعني .. قلت لها شو صاير فيج تعامليني غير و أمي غير تقولي قلتيها بنفسج .. إنتي غير و أمي غير .. ولا حزت في نفسي واايد .. وأبد ما حست بأي ذنب وما اهتمت ..
مينا القلب
ما توقع إني أكلم وحده من إربيعتها راح يكون الحل زين .. لانه مب حلو إني أدخلهم صح ؟؟
آمين يارب ويااج حبوبه
دلع
إن شاء الله يالغالية .. ع فكره هي رمستني من فتره وقالت لي إنها ما تتخيل إني أعرس و أخليها رووحها ..يلست تقولي إنها راح تتضايج و تصيح ( أنا استانست لأني حسيت إني لها مكانه بقلبها ) بس تدرين هي أغلب أسلوبها جذي مثل ما قلت …
لازورد
مشكووووره حبوبه أحسج خففتي علي وااااااااااااااااااااايد ^^ .. و إن شاء الله راح أرد عليج وراح أسوي إلي قلتي عليه .. يمكن تحس ولا شي .. ربي يجزيج الفردوس الأعلى ^^
الأصالة
إختي أنا أبد إذا بطلب منها شي ما اطلبه منها ع أساس إنه أمر ..بالعكس أقول لها حبيبتي إنتي أو أدلعها بإسمها ..لكن نفس شي حتى لو أمي نفس شي
