ماعرف كيف طريقة البشمل

المقادير:2كيس معكرونة
1 كيلو لحم مفروم
2بصل كبير مفروم
1علبة قشطة
كوب ونصف حليب
6ملاعق طحين
الطريقة
أول شي تغلين المعكرونة وتخلينها على طرف وتحمرين البصل المفروم وتضيفين عليه اللحم وتحمرينهن مع بعض وتحطين عليهن شوية ملح وفلفل أسودوبعدين تخلطين اللحم والبصل مع المعكرونة وأخليهن
وبعدين تحطين شوية سمن وتمحرين فيه الطحين وتحطين الطحين المحمر وهو حار في الخلاط وتصبين عليه الحليب وشوية ملح ذرة ملح شويه حوالي ربع ملعقة صغيرة وشوية فلفل أسود وأضيف القشطة وأخلطهن مع بعض وبعدين أحط نصف كمية المعكرونة في الصينية وأطب عليها نصف كمية البشميل وأرجع وأحط باقي المعكرونة وأصب باقي الباشميل على ويه المعكرونة وحط جبنة الموزاريلا المبشورة فوق المعكرونة حق التزين وأحطها في الفرن شويه حتى يحمر الويه وبعدين آ كليها بالهناء ويعل فيها العافية

الغاليه طريقة باشميل وايد سهله ولذيذه……..

ا كوب حليب سائل
ا ونص ملعقه كبيره زبده
ا ملعقه وربع كبيره طحين أبيض
مكعب ماجي
رشة فلفل أسود أو أبيض مطحون

اتحطين الزبده عالنار وبس تذوب تضيفين الطحين واتحركين لين ما ينخلط عدل………وآخر شي اتضيفين كوب الحليب ومكعب الماجي والفلفل الأسود أو الأبيض مع التحريك المستمر لين ما يبدا يغلي وبعدين تشيلينه عن النار……..ويكون البشاميل جاهز عندج………