مأساة مدرسة الاتحاد في بوظبي

انا سجلت بنتي السنه في مدرسة الاتحاد فرع بوظبي .. المدرسه عريقه و ما عليها اي كلام .. ما شاء الله واااااااااااااااااااااااااااااايد زينه .. الحمدلله مستانسين نجهز حق المدرسه و شرينا المراييل و كل شي
اليوم يتني مكالمه من المدرسه يقولون ان الوزاره رفضت كل الطلبات اليديده حق المدرسه .. يعني اذا تبين تسحبين اوراق بنتج حياج الله .. انزين وين اوديها الحين ؟
على قولة الحرمه الي رمستني .. و كانت شوي و تصيح ، ان المشكله مش مشكلتهم بالعكس ، هم السنه فاتحين مراحل يديده و مجهزين الصفوف و يايبين مدرسين يداد و مجهزينهم .. يعني حتى هم منصدمين بالخبر
في اهالي راحو يشتكون بس محد سوالهم سالفه و قالولهم الموضوع مفروغ منه و سيروا دورو حق عيالكم مدارس
حرام يا ناس وين ندور مدارس الحين .. حسبي الله عليهم .. منو بيدخل عيالنا ، و شو ها المدرسه الي بتاخذهم الحين ؟ .. اتصلت حق كذا مدرسه اليوم بس ماشي .. حصلت في المدرسه الاستراليه بس ماشي تربيه اسلاميه في مرحلة الكي جي .. و مدرسة الراحه اسعارها خياليه
حرام و الله حرام عليهم .. وين نضرب بروسنا الحين
دخيلكم محد عنده خبر او شي يطمن .. و الله اني من تي عيني في عين بنتي اصيح .. احس انها مظلومه