مأساة الليسن اليوم

بنااااااااات والله ياية اكتب ابى اطلع القهر الي فيني شوي ..

اليوم كان عندي تراي ( امتحان مدينه) .. وهاي ثالث مرة ..

اوني ناشة من الصبح ومتفائلة و قلت يله الثالثة ثابته و قبل لا اسير بعد خذت ساعة تدريب .. الصبح ..

و سرت هنااااااااك و امتحنت .. الصراحة انا لما شفت الي بتمتحني اتشاءمت لانها هي نفسها الي امتحنتني اول مرة .. واسلوبها صدق صدق مب حلو ابدا ويانا ما ادري ليش احسها ترمس من طرف خشمها .. المهم ما برمس عن الحرمة وايد .. قلت يلا ما عليه هالمرة اكيد بنجح .. هذيج كانت اول مرة و بعدني ما اعرف عدل

و توكلت على الله …..

و اخر شي يوم يابووووووو النتيجة ( راســـــــــــــــــــبه) بخط كبير بعد
والله حسيت بقهرررررررر قهررررررررر لاني صج محتاية الليسن يعني مب بس حق اللعب ..
و خلاص عاد الدمعة فعيوني بس ماسكة عمري فشلة ما بي اصيح جدام الناس
و سرت اتصلت حق ريلي و اقله رسبت و ما ادري شو المهم طلعت حريتي شوي فيه و كنت معصبة و ريلي يالس يضحك >>>>> زاد النار الي فصدري
و ليش تضحك ؟؟ .. يقول انزين انتي ليش معصبة عااادي و ههههه يضحك
وانا من عصبيتي و لاني كنت صج واصلة حدي والله سكرت التلفون ادري انها حركة مول مب حلوة و عيب اسويها بس ما رمت استحمل ..
و فوق ها سرت طرشت له مسج عتاب ..

هاذا اول واحد وتزاعلت وياه و السبه الليسن ( ريلي )
بعدين امي اتصلت تطمن و بعد شوي طلعت من عصبيتي عليها و ارمس و اقلها هاي مب حالة وانا خلاص مليت لاعت جبدي و ما ادري شووو و خلاص اوكي يلا مع السلامة .. و سكرت

وهاي ثاني وحدة تزاعلت وياها و بسبه شو الليسن ( امي )

و يلست عاد بعدين اتريا عمي ( ابو ريلي) يمر علي وانا ها كله ماسكة عمري ما اصيح.. اول ما ركبت السيارة قال لي عمي نقول مبروووك .. قلت له لا تقول راسبة و تم يسأل ليش ؟ هني انا ما رمت امسك نفسي و الدموع تنزل تنزل اربع اربع .. واقول فنفسي ( الله يخسج بس لا تصيحين جدام عمج عيب يودي عمرج شوي) .. والله كنت احاول امسك نفسي بس ما قدرت خلااااااااااااص وصلت حدي
يحليله عمي ما عرف شو يسوي راح اشترا لي عصير وما ادري شو عشان يهديني شوي .. وانا مالي بارض حق شي اصلا

وها ثالث واحد صحت جدامه بسبة الليسن ( عمي)

واخر شي اول ما وصلت دشيت بيتي و سكرت الباب علي .. وكملت صياحي ..
و يت اختي ريلي ادق الباب .. ما فتحت .. ويت عمتي يحليلها ادق الباب ..
وانا ما افتح الصراحة ما ابيهم يشوفوني اصيح

وها رابع شي سويت طاف حق ( عمتي ) و بسبة الليسن

هيه و بعد شو كتبت حق ريلي انا خلاص ما بداوم لين ما اطلع الليسن والا تحط لي دريول

وها خامس شي عاندت ( ريلي ) بسبة الليسن ..

آآآآآآآآآآآآخ اتخيلو كل هالاشيا سببها الليسن الي بيعقدني فحياتي..

بنات في شي بعد صج صج قهرني و يمكن هو الي خلاني ما اتحمل الرسوب و اصيح ..
اني لما كنت هناك انتظر دوري.. دشت علينا حرمة و يالسة ترمس و تقول : انا بنتي دشت تمتحن و رسبت .. وقمت انا دشيت عندهم و قلت لهم ليش ترسبون بنتي ( يعني طلعت لهم لسان) .. و تخيلو بنات ردو امتحنوا البنت و نجحوها ..

انزين ليش جيه كل شي لازم يكون فيه واسطات .. والا لازم الوحدة اطلع لهم لسان طويل عشان ينجحونها .. والا انها تيلس تتمحلس و تسوي حركات عشان ينجحونها

ليــــــــــــش انزين ..؟؟

شو اقول اكثر خلاص ….

خبروني شو رايكم .. تصدقون حتى قلت ما باخذ موعد ثاني وخل هالليسن يولي مع اني محتاجة له …

شو رايكم في الي استوا .. وشو لازم اسوي وكيف اصرف ويه الي زعلتهم وزعلت منهم..