لييش تغيرت بالكامل والله قهر:(ارجوكم ساعدوني باي نصيحه

[COLOR="rgb(153, 50, 204)"]

السلام عليكم

والله من القهر اللي فيني ماعرفت اقول لمنو لاني ماقدر اشتكي لريلي ولا لاهلي
لانهم راح يعتبرون هالشي تافه ومؤقت على قولتهم وماله معنى وانا اتخيل وما تغيرت
لكن لا انا تغيرت بالكاااامل … للاسوا

بدش بالموضوع على طول..

من سنتين تقريبا .. صارتلي مشكلة مع اخواني وانصدمت من ناس وايدين
اقربهم اختي واخوي .. ووقف معاهم ابوي ضدي وهم اكتشفت اللي احبه جذاب ( اللي كنت اعتبره
روحي وسندي بالحياه )
وامي للاسف اللي كانت تدافع عني كانت مسافره بذاك الليوم يعني اكتملت
صارت مشكله كبيره مافي داعي اذكر تفاصيلها .. ولكن خلتني كانني مهستره والله وودوني المستشفى
كاني كنت مشلوله واصارخ من الهم اللي كان فيني

وعقبها شوي شوي ردت المياه لمجاريها .. وامي ردت من السفر واللي كنت احبه خطبني والحمد لله الحين متزوجين ..

وبعد العرس على طول حملت وعندي بنت الحين عمرها 9 شهور

بنات .. ماعرف شلون اشرح اللي فيني والله

انا في البدايه على قولة الكل اني مكتئبة من الحمل .. اوكي خلص الحمل وربينا .. وبعدني فيني اكتئاب
يلاا طوفناها اكيد اسبوعين وبنطييب لكن لااا اليين الحين احس نفسي مو طبيعيه ..
وانا ذكرتلكم السالفه الاوليه لاني حااسه اني من يومها اكتابت مو من يوم الحمل والولادة
انقلب 180 درجة والله

قبلها كنت مرررحه وايد .. واحب الحياه.. وارغب بكل شي ..واستانس من قلبي ..وواثقه من نفسي
واحب اكشخ ..

بعدها صرت .. العكس تمااما..الين الحين ما تغيرت

ريلي مستغرب مني وكل مرة يسالني تحبيني ولا ندمانه انج تزوجتيني شو فيج بالضبط
ماتحبين تسوين شي ومتغيره عن اول ..

بنات ابا افضفض عندكم وابا نصايح

لاني والله احس نفسي باختصاار صرت من ذاااك اليوم بلـــــــــــــيدة الاحاسيس
لا احس بضيق وايد ولا بوناسه وايد ..ولا حتى بالخوف او بالندم للاسف
شي يضايق واايد..كل الاحاسيس تكون سطحيه ما تكون عميقه ماعرف كيف اشرح
بس هل في حد مثلي.. هالشي طبيعي؟ ولا شوو اابا افهم انا
صارلي سنتين جي
وفووق هذا بنات صاير شكلي غييير والله ضعففف ويهي وهالات سودا .. واسمريت وايدي بعد اسمرت
اكتملت ....قبل كنت حلوة وواثقة من نفسي ووايدين كانوا حتى يغارون مني
بس الحين اللي يشوفني يقوولي شوووفيييج انفشيتي..ومسمرة ومصفره اااه شوو ها بس بس خلاص
درينا لازم يحبطووون الواااحد ليش الناس ماتحس بمشاعر غيرها انا بحياتي ما تطنزت على وحدة مو حلوة ولا فيها عيب ..
ليش جي تغيرت من كل النوااحي
حتى والله ما حسيت بالوناسه بيوم عرسي …اتخيلووا

ساعدوني ارجووكم باي شي باي طريقه..
اسير عن دكتورة نفسيه ولا ما يحتاي ؟؟
انتوا تغيرتوا بعد الحمل شكلكم تغير مثلي؟؟

[/COLOR]