ليش الناس تحب الي يتشكى على كيفهم!

يبونج تتكلمين وتتشكين علشان ما يشوفون حد احسن منهم وعلشان يعرفون ان في ناس تعاني مثلهم وان الناس عندهم هموم وعيوب ويوم يشوفونج ساكته وما تتكلمين عن نفسج هالشي يستفزهم واول ما تتشكين او تتكلمين عن مشكله تعانين منها يفرحون بس ما يبينون لج ويستعرضون عضلاتهم عليج ويحاولون اونهم يخففون عنج يعني باختصار ما يبون يشوفون حد احسن من الثاني بس امانة في ناس قلوبها صافيه ماقدر اعمم على الكل في ناس اذا اشتكيتي يحاولون فعلا يخففون عنج من قلبهم وبالعكس يفرحون يوم تنحل مشكلتج لكن الناس اللي تكلمتي عنهم ما يتمنون ان مشكلتج تنحل ولو شافوج بخير بينسونج انا سامعه مره دكتور نفسي يقول المرأه اللي تشوف عيوب الناس وتتشمت هي بالاساس تبا تغطي على عيوبها

حسبي الله ونعم الوكيل

حلو يوم الانسان يكون مقتنع وراضي باللي الله عطاه
لك الحمد ربي، تبين تخوفين هالفئه؟ لو مب معرسات
قوليلهن مب زين جي تقولن خلكن متفائلات لانه الريل
يوم حرمته تقول انا فيني وفيني يبدا يشوف عيوبها
صدقيني بيحرمن يرمسن جي واذا معرسات
قوليلهن اقتنعن بأنكن جميلات و و و هذا نفس اللي يقولج
الحرمه اذا معصبه ع ريلها يكفي يقولها ضعفانه وبتنسى
الزعل وابوه . . ماعرف يعني بس عندي قناعه
الانثى اذا فيها عيوب مستحيل تقولها جدام اي وحده
حتى لو ملاحظين عليها بس تفضل انها تسكت وتقنع نفسها
بأنها مب ناقصه شي وهو مب نقص كلنا خلق الله ومن تراب
بس اشوفه شي عادي، ردي عليهن قوليلهن مقتنعه بشكلي وب شخصيتي وكفى