ليش الريال يأخذ الثانيه

بيبتدي الاكشن بعد شوي
لا تشغلي بالج بهذا الموضوع الريال بالنهاية ما خذ الثانية الا والله كاتب له ياخذها لان نحن المسلمين مؤمنين بان الانسان وهو في بطن امه الله كاتب له رزقه وقدره بالدنيا من بياخذ وكم حرمة بياخذ او كم زوج بتاخذ لو كانت حرمة
وكم بيوه عيال وكم الله بيرزقه من النعم
يعني الزواج قسمة ونصيب وماله سبب معين كل الكلام الي راح ينقال مجرد حجج واستنتاجات
لان في حريم مقصرات الى اخر درجه محد عرس عليهن لان الله مب كاتب لزوجها زوجة ثانية
وفي حريم ماشاء الله عليهن الزين والسنع كله عندهن ومع ذالك يتزوجون عليهن ثنتين وثلاث لان الله كاتب لزوج يتزوج هالحريم
لازم كل وحده تحط هذا الموضوع براسها على شأن ما تتعب وتعيش حياتها مندون ما تتسائل وايد ليش عرس ولا انا وش فيني عرس علي وليش فلانه الرفله محد عرس عليها

لان الريايل ما يبون اللي تشيلهم يبون اللي يشلوها ما يبون اللي تحاتيهم يبون اللي يحاتوها ما يبون اللي تهتم فيهم يبون اللي يهتمون فيها يبوناللي تعطيهم العين الحمرا اللي ما تعبره وتسوي له طاف اللى ادلع عمرها بس ما ادلعه
عرفتي ليش يتزوجون على حريمهم

يا ليتها تدري بس، وتقطع عنه كل الفلوس وتسحب كل السياير ، وتقفل باب بيتها وتعق له ثيابه مقطعات ه جدام الباب ، وتغير رقم تلفونها عشان يتادب ويحس بجيمتها، لو هو ريال جان ما عرس في السر وواجها لان الرجل من حقه الزواج بس لانه ما يبا يخسرها ولا يخسر فلوسها سار وعرس من وراها وبدون ما تدري ونسى كل المعروف اللي سوته فيه، وفعلا مثل ما قالت الاخت اللي قبلي لانها عطته حجم اكبر من حجمه وكبرت له راسه سار وعرس بس صدقيني بيعرف جيمتها عقب ما يخسرها، طبعا انا ما اقول تطلق بس لازم العقاب ههههه ولا الحرمه مسكينه ما تبا تهد حياتها ولا اسرتها، بس لازم تشفي غليلها ع الاقل ولا وايد بتتعب نفسيا، نرد لسؤالج ليش يعرس؟؟؟؟؟ كل ريال في ها العالم لازم تطري بباله فمره الزواج من ثانيه او بنا علاقه مع امراه ثاتيه حتي لو ما طبق، حد عنده الجرأه وينفذ وحد يحكم عقله وايد قبل لا يخطو لانه ما يفضل المشاكل، من فتره يقولي خالي وايد رياييل معرسين في السر ويعرفهم زين جان اقوله ليش ؟ قال لو خبر بتزعل الاولي وبتقول طلقني او بتكثر المشاكل وهم معرسين يبون الوناسه فيفضلون السر، وعقب ما تنكشف الامور وتكثر المشاكل من ورا الزوجه الثانيه المسكينه اللي رضت بزواج السر يقوم يطلقها بكل سهوله لان الوناسه قلبت الي تعاسه، وها السبب في زياده نسبه طلاق الزوجه الثانيه لانها انخذت عشان تشبع احلام الزوج الورديه وانه راح يدلل تحت ايدها ويتدلع وخص لو يمر بفتره المراهقه المتاخره وهيه بعدها صغيره بس من تبدا تيب العيال وينكشف الامر وتبدا تكثر الطلبات والمشاكل والحشره ويفقد اللي كان يدور عليه من دلال وغنج ودلع يقول ليش اعور راسي ببيتين ويقوم يطلق ، وايدين للاسف اعرف قصصهم مروا بنفس التجارب، يتحسبون الزواج الثاني راحه وعقب ينصدمون بالحقيقه في ظل الظروف الصعبه وغلاء المعيشه وتربيه ابنا في زمن صعب وبحثا عن العدل والمساواه وطبعا ما بيقدر ع العدل وبيبدا تأنيب الضمير عند البعض وتقصيره في بيته الثاني او الاول وتظهر العقد والنفسيات وتوصل للطلاق في الاخر وتكثر المشاكل في المحاكم عند بعض المطلقين والله المستعان ، وهو كان مجرد حلم وردي كان يحلم به ويتخيله ههههه الله يعين اللي فاتحين بيتين لان نادر ما تحصلين المرتاح فيهم الا جان شيبه عايف عمره ومخلي البيتين بمشاكلهن وشارد العزبه يبات عند البوش والهوش ه ابرك له