"للمتزوجات" صح الكلام اللي سمعته؟؟

السلام عليكم….
بخصوص هذا الموضوع ساعات اقول يوم بنت احسن وساعات مزوجه على حسب النفسيه… هههه
بس يوم انتي بنت ما عندج لا مسؤلية ولا شي عايشه حياتج بالطول والعرض.. وانا الحين متزوجه من سنه واربع اشهور صح في مسوليه الزوج والبيت وحتى نفسج قبل يوم بنت حد شايل المسؤليه…..بس اقول ساعات فرق يوم بنت والحين قبل اتفكرين منو بيكون فارس احلامج وتعيش الاحلام الورديه بس الحين الحياه غير ولازم تفكرين قبل لاتاخذين اي قرار وتكونين متقيده في الزوج والبيت… ارجوا انج فهمتي قصدي…..

يعتمد على اسلوب الحرمه و طبعها و على تصرفات الريال وكيف يدير بيته …

هذي سنه الحياه
أنا متزوجه وأقولج صح أيام العزوبيه حلوه بس لازم ايي يوم الوحده اتعرس و اتييب عيال و تكون مسؤوله عن ريلها و عيالها و بيتها لين متى بتمين خايفه من المسؤوليه؟؟؟ ترا هذي سنة الحياه ولا انتي اول وحده و لا اخر وحده بتعرس بس أهم شي الله يرزق كل البنات بريال زين و يحب زوجته و أهله يكونون زينين و بس
كم تسوا الدنيا يوم اتشوفين عيالج يكبرون جدامج والله الصراحه صح انه الحياه بعد الزواج تتغير بس بيي يوم اعيالنابيكبرون ويريحونا