لكل ام عاملة: شو أسوي عشان تخففين من سلطة الخدم على عيالج؟

حبيبتي بالعزيمة والاصرار تقدرين تسوين المستحيل

وانا أحيي فيج الغيرة على بناتج وهذا شي ممتاز

وان شاء الله هذا بداية الطريج

يعني انتي كم دقيقة راح تاخذ من وقتج اذا سبحتي بناتج .. طبعا ولا شي

نظمي وقتج اختي وخلي بناتج من الأولويات وبتشوفين كيف راح الله يوفقج

انا ما داني شي اسمه خدامة تسبح عيالي ..

اقنعي نفسج بهالفكرة انه مستحيل اخلي شغالة تهتم بعيالي

وبالنهاية مثل ما قلت

بالعزيمة والارادة القوية وتنظيم الوقت نصنع المستحيلات

السلام عليكم
مرحبا الغاليه انا بعد مع كلام الخوات تقدرين تقولين للخدمات مايسبحون البنات خلال فترة الدوام يعني انتي سبحيهم بروحج فليل او العصر صدقيني بترتاحين نفسيا الله يوفقج الغاليه

الله يعينك اختي

حولي انك تخلي السبوح من مهماتك انتي فقط … وليس من مهمات الشغالة

وحاولي انك يوميا تخصصي وقت تلعبين فيه مع بناتك بدون وجود الخدم معكم والعبي معهم كانك طفلة مثلهم وسوي مثل حركاتهم … وشوفي كيف بيخبللللو عليكي … لانه الاطفال بيتعلقون اكثر شي بالاشخاص الي بلعبوهم … ويوميا اقري لهم قصص قبل النوم على شان اخر شي يسمعو صوتك قبل لا ينامو وبيفضل صوتك في اللاوعي عندهم .. وان شاء الله بكون له اثر ايجابي على علاقتك بهم خاصة انك بتغيبين عنهم معظم النهار