كيف تتعاملين مع بنتج وتكونين مثل الصديقة القريبة لها

يزاج الله الف خير هذا الموضوع بذاااات انا وايد يهمني لاني اعااااني من هلموضوع

لازم اتقرب من بنتي بس وايد صعب علي بنتي عمرها 10سنوات بس احسها في تصرفاتها وايد صغيره عكس

بنات خواتي مع انهم عايشين مع بعض بس ما احس انها تاخذ شي منهن بنات خواتي بناتهن يهتمن وايد في نفسهن بس بنتي امطنشه الدنيا ورا ضهرها يعني كل شي عادي ماماه مب لازم سوري طولة بس اعااااني اهي

الله يعينا على تربيه هالعيال ،، والله حبيبتي البنت من الصغر لارم تكونين جريبه منها وااايد وتعطينها الثقه بنفسها وتشاركينها كل شي ،، وحسسيها انها كبيره وعطيها مسؤليات صغيره مثل حبيبتي شوفي اخوانج .. ممكن تمسكين هالشي لما ارجع ،، تودينها المطبخ وياج وتخلينها تشاركج بأشياء بسيطه ودووم سولفي وياها لا تقوليين مابتفهم لا بالعكس ،، بتتكون بينك وبينها صداقه والبنت بتوثق بأمها وبتشاركها بهمومها ومع الايام ماراح تكون بينهم حواجز وخاصه فتره المراهقه بيكون هناك نضج عاطفي ومابتخاف تصارح امها بعواطفها وبمشاكلها ،، انا بنتي عمرها خمسه سنيين واحاول اكون لها الام والصديقه في نفس الوقت والله يعينا على هالزمان ،،