كيف تتصرفون في هالحاله

المشاركة الأصلية كتبت بواسطة آيس كريم

حبيبتي شعرج حطيله زيوت يوم يكون ريلج محد (واعتقد اكيد يطول برى اكثر عن ساعتين!!) وقبل لا يرد غسليه
ونفس الشي ماسكات الويه والجسم <<<< كله مرة وحدة من فوق لين تحت اسهل هع هع هع

اما كريمات الترطيب وهالسوالف <<< ترى في كريمات ريحتها اوكي
وفي كريمات مالها ريحه <<< ترومين تخلطينها بشوية دهن عود او مسك سائل تطلع ريحتها روعه

واحلى شي واسهل شي فديت روحج بعد ماتتسبحين كل يوم دهني جسمج اما بزيت جونسون (روعه) او شوية زيت زيتون وحطي عقبة مسك سائل عشان الريحة (عاد زيت زيتون ماشي مثلة فالترطيب)

وبعدين في زبدة الجسم اللي بنكهات مختلفة من بودي شوب ترى فنانة وترطيبها حلو وريحتها حلوة

اما كريمات الويه عاد خخخخخخ مادري والله لان بشرة ويهي تتحسس من أي كريم عسب شي انا ماحطلها كريمات
بس حبيبتي جربي حطي هالخلطة تراها تغني عن الكريمات

حطي نشا + ماي ورد + عسل <<< خليهم عالنار شوووية بس عشان تتكثف وتثبت عالوية
حطيها ع ويهج نص ساعه او ع كيفج عادي وعقب غسليها <<< فنانة وايد هي الخلطة الوحيدة اللي استخدمها وماتتحسس منها بشرتي بالعكس احس بنتيجة حلللوووه

احم احم بس هذا اللي عندي مادري قدرت افيدج او لا!!

افكارج حلووووووووه جدااااااااا جدااااااااااا

لكن بعد احيانا

فيه اشياء مفعولها ما يبين الا ساعات طوال

شكرا لج

المشاركة الأصلية كتبت بواسطة أم توتة

بكل بساطة ,, ترييه ليما يرقد ,, عقب سوي اللي تبينه ,,

هههههه

ما جد شفت ريال يرقد قبل حرمته

شكر ا لج

المشاركة الأصلية كتبت بواسطة **لمعة الماسه**

ههههه قصص.. وانا ما جد شفت حرمه ترقد قبل ريلها..؟؟؟؟

لازم انتي اللي ترقدينه في صدرج وتخلينه يشم ريحتج الخنينه.. وعقبها سيري وتفركي باللي تبينه ورشي فوقه عطر وردي انخشي..

بس من ناحية الشعر والزيوت والحنا ما انصح انكم تروون ازواجكم هالشي…

الريال ما يحب يشوف هالاشياء.. الريال بطبعه يحب يشوف النتيجه بدون مايعرف الخطوات اللي وصلتج لهنتيجه (فهمتوا) !!! لا وبعد يقولج اتحملي ريلج يشوف الكريمات والخلطات والعفيسه…. كله دسيييييييييييييه.. ما يحتاي يشوف كريم التبييض ولا كريم التشققات ولا كريم محاربة التقدم بالسن.. ولا حتى حصاة الريل .. خليه يحس انج طبيعيه جيه بدون معابل ههههه

وربي يوفقج ويحليج لزوجج وما يشوف غيرج حرمه

ههههههه

المشكله انسب وقت الظهر او في الليل

وانا ما اراويه الخربطان اللي عندي من زيوت وتقشير وخلافه

لكن بصراحه انا احني شعري ويشوف تراه وين بسير ههههه

اتالي في البيت وهرم ع راسي

شكرا لج