كيف اسوي خلطة الباشميل

ملعقتين زبده
ملعقتين كبار زيت نباتي
4 ملاعق دقيق
3 أكواب حليب
6 قطع جبن مكعبات
معلقه صغيره ملح
ربع معلقه فلفل ابيض
وبالهنا ^^

10 ملاعق حليب مجفف
3 ملاعق دقيق
1 مكعب ماجي
3 كاسات ماء
تخلط في الخلاط وبعدين تحطيها على النار
وبالعافية

بخبرج الطريقة اللي تعلمتها من حصة التربية الاسرية، لذيذة سهلة وسريعة…والكل يستخدمها وطبعا تعلمها مني حتى أهل ريلي يتخبلون عليها….

**المقادير
3 ملاعق كبيرة سمن
3 ملاعق كبيرة طحين
3 اكواب حليب مغلي
ملعقة صغيرة ملح
ملعقة صغيرة فلفل اسود
بيضة واحدة

**الطريقة
1. تحطين السمن لين يذوب
2. تحطين فوقه الطحين لين يختفي البياض ويغلبه صفار السمن، وبعدها تخفين على النار الى ادنى درجة
3. تبدين تحطين الحليب على شوي شوي يعني معيار كوب شاي الحليب، مثلا تحطين اول كوب على الخليط السمن والطحين وتحركين شوي شوي لين يتجانس عسب لا يكتل، وبتحسين البياض مال الحليب اختفى شوي شوي ورد على لون السمن. وعلى هالحالة لين يخلص كل الحليب.
واذا حسيتي ان الخليط خفيف مش غليض علي على النار شوي عسب يغلض وبعدها لين توصلين للكثافة اللي انتي تبينها.
4. بندي على النار، وحطي الملح والفلفل الاسود مع التقليب المستمر عسب يتوزع في الخليط، وبعدها حطي البيض وحركي بسرعة عسب لا ينطبخ البيض داخل الخليط، ويتجانس، وبالهنا والعافية