كيف ازيد الحماس فيني للدايت والضعف والرياضة

عزيزتي انتي ليش تخلين المشاهدات هي المعيار لصحتج ورشاقتج
ليش ماتخلين المعيار ان التغيير راح تشوفين وياه كثير امور حلوة اولها ثقتج بنفسج ونظرتج لنفسج بشكل ايجابي واخرها نظرة المجتمع والمقربين الج
لان الي ينزل وزنه معناها انه انسان صاحب ارادة وان المستحيل ماموجود بقاموس حياته

انا مثلج اسوي رجيم واخبص وارجع اسوي رجيم بس عمري مافقدت الامل ولا عمري انتظرت من احد يقولي احسنت
الي يقولها جزاه ربي كل خير والي مايقولها مااشوف اني محتاجه هالشي منه
لان الكلمة الطيبة صدقة والي مايحب يقولها لايقولها المهم انا والتغيير الي يحصل لي
انا من افكر اسوي رجيم افكر بشي واحد اني راح اقدر اني ادخل الى اي محل واشتري الي اريده بدون مااكون محرجة من نفسي اولا ومن زوجي ثانيا
صح المقربين مايبينون لج ان انتي وزنج زايد مراعاة لنفسيتج بس هذا مو معناه انهم يحبون الشكل وضعف الارادة الي انتي عليها
تدرين انا نزلت من وزني من ال 78 الى 67 وعرفت شنو معنى ان الواحد يشوف النظرات من الكل تتغير

طولت عليج اعذريني بس حبيت اقولج شي انتي يمكن غافلة عنه

امنياتي لج بالنزول الصحي يارب وتحقيق حلم الرشاقة الج ولكل الي يبذلون مجهود للوصول لهدفهم

لاتخبرين الحساد انج ناويه المشكله حتى تخفيف الوزن محسود صاحبه فلانه نزل وزنها مسويه شفط ولا شو وياخذون برنامجج ولا يراقبون اكلج استغفر الله

استمتعي بالرياضه ونوعي فيها