كيف اخلي ولدي يحب يروح الحضانة وما يصيح!!؟؟!!

إن شاء الله البنات يفيدونج
الله ييسره لج ويسخره للدراسه ..

بصراحة انا دورت حلووول وايـد لهالموضوع ولين يومج ولديه مب متقبل
وكل يوم الصباح نفس الموال صياح صياح صياااح
والحين الكورس بيخلص وهو نفس الموال!!! ما تعب بس مافي يوم خليته يغيب
نضطر احيانا نركبه الباص بالقوه!!!
الهدايا ما نفعن الحب ما نفع الحنان ما نفع الشدة مانفعت يربت كل شي تتوقعينه
بس للحين ما استسلمت ولا هو استسلم ما شاء الله عليه
فـ النهاية لازم ما تبينين له انه انتي بترضخين للي هو يبـاه خلاص السكول يعني سكول
والله يهديه لج ويهديلي عيــالي،،،آميـــــــن

كان عنا في الحضانة ولد الله يحفظه نفس هالحالة
خلته أمه يداوم بالباص
وأسبوع بدأ يتعود

ويوم يوصل صفه يقعد ساكت ومنعزل على السجاد ومب طايع يقعد على الكرسي
بس أهم إنه ما يصيح
ويوم يكون في أشغال يدوية نعطيه وينشغل بها أقعد أصوره لما يضحك ويحاول يتخبي ويغطي عيونه

واااااااااي فديـــــته ولما آخر يوم تخرج فديته يا عند المشرفة وقالها إسمي فلان الفلاني وأمه وأخوه يطالعونه
وبعدها قالت أمه إنه صار إجتماعي وأحسن من أول وملاحظه عليه تطور وهي دخلته الحضانة أساسا عشان يتألقم وينساها شوي مب عشان يحفظ ويردد

فشوفي اللي يريحج

ماعندي حل معين .. لاني مامريت بهاي التجربه ..

بس بخبرج شي واحد يمكن يفيدج في المستقبل

بالنسبه لعيالي من يوم هم صغار بيبيات كنت أخلي كل حد يشلهم حتى يوم تيني

حرمه غريبه وأول مره يشوفونها , أخليها تشلهم وتلاعبهم .. عيالي يتمون يطالعون

عيوني اذا يبين عليهن الخوف بيصيحون وبيلصقون .. بس دايما يوم حد يمسكهم ابتسم ابتسامه عريضه

فأحس نفوسهم تهدء ويحسون بالأطمئنان

الياهل يوم تحرصين عليه وايد

يستوي جيييه .. لززززقه ومايطيع يفج بسهوله من أمه وأبوه >.<

الحين عيالي بعد ماكبروا ما تعبت معاهم يوم دخلتهم المدرسه .. ادخل وأقعد معاهم ساعه وأطلع

مره كنت اموديه بنوتتيه صفها تشان اشوف الولد اللي في صفها يصيح ودموعه صبيب بس بدون

صوت

غمضني وكسر خاطري واااااااااايد … خذته وقعدته على ريولي وحضنته وقلتله حبيبي انته ريال وشاطر

ماماتك بتخلص شغلها وبتي تاخذك .. حسيتبه هدء شويه .. مسحت دموعه وقلتله انته ريال وعشان جييه

بييبلك باجر مصاصتين بتختار اللون اللي تحبه والاولاد الباقين بعطيهم مصاصه وحده بس ..

وفعلا يبتله مصاص وما شاء الله عليه ما نسى دخل ايده في الكيس وخذ مصاصتين وباقي العيال عطيتهم ع مصاصه ..

فديتهم حلوين اليهال ^^