كم واحدة من المتزوجات تقوم بهذا الفحص ؟؟

المشاركة الأصلية كتبت بواسطة Jadore

الصراحة انا ما اسوي …
وما اعرف عنه
ليش نسوي هالفحص ؟؟؟

نسوي هذا الفحص للوقاية من سرطان عنق الرحم الله يعافينا و يعافيكم
لأن المتزوجة ممكن تتعرض لنوع من الفيروسات المنتقلة عن طريق الجنس و هي التآليل حتى من غير ما تكون ظاهرة عند الريال و تصيب عنق الرحم و بالتالي تصير هناك تغيرات في الأنسجة و مع الزمن تتحول إلى خلايا سرطانية و الحلو فالموضوع أن هذا الفحص يقدر يبين اي تغيير بسيط و يتعالج قبل لا يتحول و هذا التحول لحسن الحظ ياخد سنين طويلة و هنا تظهر أهمية هذا الفحص يعني معالجة أي تغيرات قبل لا تصبح خطيرة
على فكرة مش كل أنواع التآليل تتحول إلى سرطان لأن هناك عدة أنواع بس الخطيرة تعد على أصابع اليد و ليس بالإمكان معرفة أي نوع يتحول يبقى هذا الفحص ضروري

[QUOTE=meme143;4594225]سبقتيني بدقيقتين .. مشكوووورة عالافادة.. انزين شو نقولهم عسب انسوي هالفحص
وهل متوفر في كل المستشفيات ؟؟[/QUOT

تروحين عند الدكتورة النسائية اللي ترتاحين لها و تطلبين فحص ؟(باب سمير) هذا إسمه و الطريقة بسيطة تاخذ منج عينة عن طريق المهبل و نفس طريقة فحص الإلتهابات و ما تعور نهائيا و بعد ثلاث أيام ترد لج خبر و متوفر فكل المستشفيات الخاصة اللي عندهم مختبرات و سعره مو وايد أعتقد فحدود 200 درهم إذا ما خانتني الذاكرة و أتمنى كل خواتي المتزوجات يسونه لا تهملون و الحمدلله كل شي متوفر و إذا لا قدر الله في شي فالفحص ترجع الدكتورة تسوي واحد ثاني للتأكيد و الخطوة التالية فحص بالمنظار و يقومون بكي المنطقة المتضررة بالليزر و خلاص ما في شي أما اللي ما يسوون وما يعرفون ممكن الخلايا تستمر فالتحول و سنة عن سنة تزيد لين ما تصير سرطان لا قدر الله و الله يحفظ المسلمات كلهن يا رب
أنا ما أبغي اخرعكم بس حبيت أشرح لكم و اللي ما تعرف تاخذ فكرة و اللي كانت خايفة تتشجع و تروح تسوي ها الفحص