كم تاخذ الفيزا للنمسا وكيف اتم الاجراءات ؟

أول. شيء. لازم تأخذين. موعد من. الموقع. مال السفارة. عقب تسيرين الموعد. وتاخذين معاج. صورتين شخصيات. و جواز السفر خلي الهوية معاج. ورقة من ثقة انهم هم التأمين مالج الصحي. قالولي. في ثقة بتكون مثل. بطاقة. صحية لج في. سفرج. طلب. الفيزا من الموقع.
في موعدج. خذي. معاكم. ورقة إن موعدج في ها اليوم طبعا ها الورقة بتطبعينها بعد ما تحددين. الموعد. على الموقع. الفيزا يبالها 15 لين تخلص أو شهر. في. حالة. نقص الأوراق.

حبيبتي إحنا خذينا فيزا من سفارة النمسا وندمنا لانه بس عطونا 8 ايام بس لزيارة النمسا
إجراءاتنا كانت VIP يعني في نفس اليوم خلصنا كل شي من تعبئة الاستمارة والبصمة
الاوراق المطلوبة: صور عدد 2 بخلفية بيضاء ولازم ويهج يكون واضح وبدون غترة للريال.
وورقة ضمان صحي من ثقة ب 150 درهم انا وريلي وبنتي
وحجوزات الفنادق والطيران
والجواز الاصلي ويا صور
وبطاقة الهوية
وكلفنا 1200 لانه VIP لنا كلنا

نصيحة لو في مجال تسيرون المانيا عقب النمسا خذي الفيزا من المانيا ل 3 سنوات يعطونج

يزاج الله خير حبيبتي كيتي ووفيتي
افدتيني ان شاء الله باخذ موعد هاليومين وان شاء الله اتم الاجراءات بسهوله