كل وحده ربت اتخبرنا بقصه ولادتها بالتفصيل الممل

انا بولادتي الاولى قالتلي الدكتوره ان موعد الولاده بيكون مابين 5-11 لتاريخ 12-11 كنت اتمنى الموعدالثاني بس بتاريخ 5 الفير كنت في بيت امايه وريلي في الدوام ومنسدحه على شبريه ختيه فديتها واقرى مجله مادري قصه المهم انكب الماي مره وحده عفدت من الفراش طبعا انا سالت امايه قبل عن الماي وكيف بعرف ان نزل علي قالتلي بتعرفين لانه بينزل وايد مثل الفوز هههههههه المهم قمت سرت كرمتن للحمام واتغسلت ورديت للحجره اخذ لي ثياب ورد نزل علي ماي ووعيت ختيه قلتلها اني بربي وقلتلها لا تخبرين امايه صبري شوي لانه كان الفير ولاني كنت ابا اتسبح تقريبا كانت الساعه 2 الفير المهم سرت واتسبحت و يوم ظهرت لقيت امايه واقفه عند باب الحمام وانتن بكرامه تترياني عند الباب طبعا ختيه وعتها ووعو الوالد كان ريال بايت عنده وراقدين في الميلس المهم سرنا للمستشفى وتميت متروعه لا ينزل علي الماي وصلنا للمستشفى انا ربيت في توام حطن لي التخطيط و سارت الممرضه تميت استويع و متحمله وتقريبا عالساعه 5 ونص قلتلهم ماروم اتحمل الويع يوم زقرتهم امايه قالو يالله ولاده و سويت كم بوش ويبت احلى بنوته هالكلام سنه 1999

هههههههه ايام أنا عطوني موعد ولاده تاريخ 07-08-2012 على حساب السونار وعلى حساب الدوره عطوني 15-08-2012 عاد الله راد ربيت تاريخ 03-08-2012

طبعا كان في ايام رمضان كنت مع ريلي في البيت في الليل اتسحرت وياه كانت الساعه 3 الفجر
كنا نشوف شوجي كنا نسولف عادي صار جماع بينا وسرت اتسبح خلصت ولبست ثيابي الا اسمع صوت طططططق انفتح المايى خفت وتم يزيد الماي سرت لريلي اقله الماي نزل رد علي اي ماي ههههه اقله ماي البيبي تم يقولي انزين عادي ههههه وانا خايفه مب عارفه شو اسوي كل شوي ابدل ثيابي لان الماي يزيد بعدين ريلي قالي قومي بوديج المستشفى وسرت المستشفى ودوني على غرفة الولاده عشان يشيكون لي على الرحم وتخيلوا الرحم كان مسكر دخلت لي حديده داخل في المهبل عشان تشيك وآخر شي مسكر كان يعوووووور وااااايد صراحة من بعد هالفحص بدت التقلصات لين الساعه 10 الصبح شيكت علي كان فاتح 3 سنتي الرحم كنت وااايد ازاوع وعلى الساعه 12 ونص الظهر فتح 6 سنتي أمي واختي وصلوا عندي المستشفى وحطوا لي هالمحلول الي ينظف البطن من فتحة الشرج وبعدين نزلوني تحت في غرفة الولاده حمياتي الاثنين كانوا عندي يقروون علي صورة الزلزله واختي بعد وامي ‘ أمي شربتني زعتر وجرفه واكلتني تمر (( سح)) وشربتني ماي والحمدالله كان يزيد العوق كل شوي ومن طلع الراس صرخت وكنت أقلهم طلعوها طلعوها مب قادره هههههه لحتى الحين اختي تعايرني فيها وتعيب علي وتتطنز الحمدالله زفرت (( سويت بوووش )) مرتين بأقوى ماعندي وشرفت الشيخة فطامي الساعه 1 ونص الظهر كان يوم الجمعة كان الحبل السري ملتف عليها لكن الله لطف الحمدالله الدكتوره وفاء في مستشفى صقر ماقصرت معاي من حطوها على صدري نسيت كل التعب كانت أحلى لحظه بحياتي فديتها لميتها وحضنتها وتميت ابوسها وشكرت ربي من كل قلبي على النعمه سوت لي الدكتوره 4 غرز من برا وداخليه بعد الحمدالله الدكتوره وااايد طيبه كانت تقرا علي قرآن وتذكر الله وااااايد
الحمدالله ولادتي كانت ميسره  

احب اقرأ قصص الولادة
أتريااا البقيه شهر ٣ بخبركم عن ولادتي اذا الله أراد خخخخ

ألحين بخبركن بقصه ولادتي الثانيه
كنت اتابع في مستشفى الامارات و فجأه في اخر الثامن قررت اربي في مستشفى الواحه خذت كل التقارير و فتحت لي ملف في مستشفى الواحه كنت في بيت امايه يوم الاثنين ورد ريلي من الدوام و شاف ويهي متغير تم يسالني شي فيج قلتله لا الحمدلله وامايه سالتني قبل لا اسير عنها وقلتلهم بخير و سهاله ما فيه شي كنت مكمله في التاسع 10 ايام المهم قلت لريلي ابا اسير اخذ حايات البيت ما طاع قالي طالعي ويهج شكلج تعبانه خليها لباكر اليوم ماشي سيره حاولت فيه و ماطاع ظهر هو و يلست في البيت و عالساعه 9 طلبت لي عشاء ومارمت اكل بدى الويع علي تميت اكل عالخفيف و خليت العشاء كنا انا و الشغاله وبنوتتيه بس في البيت ومن خلصنا العشاء الا ريلي ياي و يايب له من نفس المطعم كان مطعم الصقر هندي ضحكت يوم شفت اكله يلس يتعشى وانا انسدحت عداله وبدى يقوى الويع وكل ما اتييني ويعه اخش راسي عسب ما يشوفني وخلاف انتبه وسالني وقلتله فيه شويه ويع سالني اذا بروح للمستشفى قلتله لا بعدني و سار للميلس وقالي ان زاد عليج اتصلي بي وتقريبا ما طولت الا و زقرته مارمت اتحمل تقريبا عالساعه 11ونص وصلنا للمستشفى وعلى طول ياب لي الكرسي و دخلوني للولاده وسار اييب امايه واتصل بهم يخبرهم وثرني يوم وصلت كنت خلاص موصله عالاخير هو يتحراني بتاخر شل البنوته و سار يصب بترول ولا انا اتصلت به ابشره اني ربيت ويقول انتي من صدقج؟ قلتله هيه والله و ختيه تمت اتصيح لانها ما حضرت ولادتيه واللي يضحك اني ربيت يوم الثلاثاء الفير و كان هاليوم اول موعد لي في عياده النساء وكان تاريخ 3-4-2001 ويبت عبدالله فديته