كل حد رد علي مشكلتي ايي ويشوف شو اليديد

السلام عليكم ياخواتي …………..مالي غنا عنكم وعن ارائكم وكل الي قلتوه في موضوعي استفدت منه والحين انا بخبركم باليديد الي صار من عقب المشكله الي طرحتها واكيد ابي ارائكم الثمينه

كان نهايه الموضوع انه ابوي مش موافق على الريال وبنات قالولي خلاص استخيري على الثاني انا استخرت وكنت احاول اني ااقلم نفسي واحاول اطلع الاول من بالي (ماقدرت طبعا) بس قمت اقتنع اني استخير من 5 ايام ياتني اختي العوده الساعه 4 الفجر قالتلي تعالي ابيج يوم رحت تقولي من وين تعرفين الريال (الاول) طلعت مطلعه عني فواتير من الاتصالات عن رقمي ورقم الريال ورقم ربيعه…!!!!اكيد بتنصدمون مثل مانا انصدمت جان اعترف لها قلتلها هيه انا اعرفه انا يمكن الي سويته تشوفنه غلط بس الريال اخر شي دق الباب وغلطي مايذكر جان تقولي: سمعي الريال الثاني بيي يخطب هالاسبوع انتي استخيري وبنشوف اذا مشى موضوعه بنكمل واذا مامشى انا بردلج موضوع الريال الاول!!!!
قلتلها بس انا احب الاول تمت تتخيبث علي وقالتلي انا مابخبر ابوي لاتخافين رحت الحجره تميت اصيح وثاني يوم اتعرفت لابوي اني اعرف الريال ومامن بيني وبينه الا اتصالات وبس قالي خلاص عفا الله عما سلف بس ان ماقدر اردهم (الي راح راح) قلبي انكسر هني..اوف
وقالي الريال الثاني بيي يخطب يوم الاحد او الخميس وخلاص وافقي وروحي الله يتسر عليج …تخيلوا حتى ابوي الي كنت حاطه فيه امل دار معاهم!!!! ونحن اليوم الجمعه محد ياه!!!طلع انه ابو الريال مش موافق وقاله لا عقب سنه افكر في الموضوع!!بموت من القهر
(ابوي باع الناس الي شروه واشترى الناس الي بايعينه)
تعرفون يابنات انه ماله ويه يطالعني يحاول يرضيني بفلوس باي شي بس يحس اني مش متقبله منه اي شي حتى الكلام من ورى خاطري!!!!!! قلت خليه يمكن يحس بعد مافي فايده شو اسوي ياخواتي عطوني الخطوة التاليه ..انا وكلت امري لله والله العظيم وصار كل هاذا احس عادي عندي اعيش ماتزوج الي احبه بس ماخذ غيره غصب
دلوني الله يدلكم على الخير

والسموحه على الاطاله